Niekalki zapłanavanych na hety tydzień publičnych mierapryjemstvaŭ i sustreč z udziełam prezidenta Rasii Uładzimira Pucina byli admienienyja z-za stanu zdaroŭja kiraŭnika dziaržavy. Pavodle źviestak Doždia, Pucin zachvareŭ na hryp. Pres-sakratar Kramla Dźmitryj Piaskoŭ hetuju infarmacyju kamientavać admoviŭsia.
Krynicy Doždia paviedamili, što prezident Rasii adsutničaŭ u Maskvie apošnija niekalki dzion. Pucin nibyta znachodzicca ŭ svajoj aficyjnaj rezidencyi na voziery Vałdaj u Naŭharodskaj vobłaści.
Pres-sakratar prezidenta Dźmitryj Piaskoŭ nie staŭ kamientavać infarmacyju pra miescaznachodžańnie prezidenta, spasłaŭšysia na toje, što takoj praktyki niama. Na prośbu prakamientavać infarmacyju pra toje, što kiraŭnik dziaržavy byŭ chvory na hryp, Piaskoŭ adkazaŭ: «Nie kamientujem, tema zakrytaja».
Na paniadziełak, 16 sakavika, zapłanavana sustreča Pucina z prezidentam Kirhizii Ałmaźbiekam Atambajevym u Sankt-Pieciarburhu, paviedamiła 13 sakavika pres-słužba Kramla. Vierahodniej za ŭsio, prezident adpravicca ŭ Pieciarburh z rezidencyi na Vałdai.
Uładzimir Pucin bolš za tydzień nie źjaŭlajecca na publicy. Na hetym fonie stali źjaŭlacca čutki pra jaho prablemy sa zdaroŭjem. Kreml ich asprečvaŭ. Raniej Piaskoŭ, adkazvajučy na pytańnie ab pracoŭnym hrafiku prezidenta i jaho sustrečach z padnačalenymi, rastłumačyŭ, što jany «iduć pastajanna, ale nie ŭsie sustrečy publičnyja».
Ciapier čytajuć
U Minsku kolkaść niemaŭlataŭ skaraciłasia na tracinu proci 2020 hoda9
U Minsku kolkaść niemaŭlataŭ skaraciłasia na tracinu proci 2020 hoda
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary