Viadomy italjanski madeljer Stefana Habana razharnuŭ u sacyjalnych sietkach aktyŭnuju kampaniju suprać usynaŭleńnia dziaciej homasieksualnymi partniorami.
Jon zaklikaje svaich prychilnikaŭ bajkatavać Ełtana Džona paśla ich publičnaj svarki ŭ sietcy Instagram.
Habana i jaho daŭni dziełavy partnior Damienika Dolče, jakija žyvuć u adnapołym sajuzie bolš za dva dziesiacihodździ, dali intervju italjanskamu časopisu «Panarama», u jakim vykazalisia kateharyčna suprać takoha ŭsynaŭleńnia. «My vystupajem suprać usynaŭleńnia homasieksualnymi parami, — zajavili jany. — Adzinaj sapraŭdnaj siamjoj źjaŭlajecca tradycyjnaja siamja».
«Dzieci naradžajucca ad baćki i maci, ci, prynamsi, tak pavinna być», — miarkuje Dolče. Jon raskrytykavaŭ praktyku, pa jakoj, jak jon vykazaŭsia, matka zdajecca naprakat, a siemia vybirajecca pa katałozie.
Madeljery taksama admoŭna adhuknulisia pra štučnaje apładnieńnie i surahatnaje maciarynstva: «My suprać hvałtu nad bijałohijaj i padmieny jaje chimijaj — žyćcio maje svajo naturalnaje ciačeńnie, u jakoje nielha ŭmiešvacca».
Hetaje vykazvańnie vyklikała furor i abureńnie mnohich čytačoŭ. Jany nieadkładna stali raźmiaščać u sietkach fatahrafii svaich dziaciej, začatych z dapamohaj mietadu štučnaha apładnieńnia.
Ełtan Džon, jaki maje dvuch dziaciej sa svaim mužam Devidam Fiernišam, taksama nie zastaŭsia ŭ baku.
Jon źmiaściŭ u sietcy Instagram fota Dolče i Habana z podpisam: «Jak vy možacie nazyvać maich vydatnych dziaciej sintetyčnymi? I vam pavinna być soramna za vašyja niespraviadlivyja słovy pra štučnaje apładnieńnie — heta cud, jaki dazvoliŭ mnostvu tych, što lubiać ludziej, niezaležna ad ich seksualnaj aryjentacyi, ažyćciavić svaju maru pra dziaciej».
Śpiavak skončyŭ svoj post zaklikam bajkatavać brend italjanskich dyzajnieraŭ.
«Vaš archaičny vobraz dumki hetak ža adstaŭ ad času, jak i vaša moda, — zajaviŭ Ełtan Džon na svajoj staroncy ŭ Instagram. — Ja bolš nikoli nie budu nasić Dolce & Gabbana». Da svajoj repliki jon dadaŭ chešteh #boycottDolceGabbana.
Habana vidavočna ŭspryniaŭ hety adkaz blizka da serca i ŭ svaju čarhu zaklikaŭ da bajkotu Ełtana Džona z teham #BoycottEltonJohn. Z tych časoŭ jon apublikavaŭ dziasiatki fota i kamientaŭ u padtrymku svajoj pazicyi.
Na jaho staroncy ŭ sietcy Instagram źjaviłasia mnostva vykazvańniaŭ u jaho padtrymku, jakija raźmiaščajucca jaho prychilnikami, naprykład: «My žyviom u volnym śviecie, i kali Stefana choča vykazać svajo asabistaje mierkavańnie, heta jaho prava».
