Kryptastojki mesendžar Telegram atrymaŭ vialikaje abnaŭleńnie
Ciapier u prahramie bratoŭ Duravych jość cheštehi, a dahrukacca možna navat da tych, chto zahłušyŭ čat.
Mesendžar Paŭła Durava Telegram abnaviŭsia ŭ viersijach dla Android i nastolnych kampjutaraŭ, novaja viersija dla iOS vyjdzie ŭ najbližejšy čas.
Abnaŭleńnie pryniesła mnoha novaha ŭ hrupavyja čaty. Ciapier u ich možna ŭzhadvać adnoha z udzielnikaŭ albo paznačać, adkazam na što mienavita jość paviedamleńnie. Taksama źjaviłasia mahčymaść dadavać cheštehi dla nastupnaha pošuku pa temach.
Kab uzhadać čałavieka, treba nabrać «ślimak» (@) i pačać drukavać niknejm suraŭmoŭcy. Kab adkazać na kankretnaje paviedamleńnie, treba doŭha nacisnuć na jaho i abrać «Reply» — tady aryhinalnaje paviedamleńnie budzie pracytatavanaje ŭ adkazie. Kab zrabić sa słova chešteh, treba pierad im nabrać tradycyjnyja «kraty» (#) — pa naciskańni na chešteh karystalnik pabačyć usie paviedamleńni ź im z usich čataŭ.
***
Mesendžar Telegram — biaspłatnaja prahrama dla abmienu paviedamleńniami z adkrytym zychodnym kodam. Prajekt viadzie Pavieł Duraŭ, mesendžar pracuje na bazie pratakołu MTProto, raspracavanaha jaho bratam Mikałajem.
Stvaralniki zajaŭlajuć ab poŭnaj krypastojkaści — paviedamleńni šyfrujucca tak, što sami raspracoŭščyki nie majuć da ich dostupu (i, adpaviedna, nie mohuć vydać pierapisku śpiecsłužbam — u adroźnieńnie ad kankurentaŭ).
Za ŭzłom šyfru raspracoŭščyki abiacajuć pryz u 300 tysiač dalaraŭ. Pakul była tolki adna surjoznaja zajaŭka na pryz: chakier znajšoŭ tekst u niezašyfravanym vyhladzie ŭ kešy Android-prahramy i pamiaci samoha Android. Pavieł Duraŭ nie pryniaŭ zajaŭku: jon śćviardžaje, što ŭraźlivaść naležyć nie mesendžaru, a Adnroid, i što pry najaŭnaści root-dostupu (pravoŭ administratara, atrymać jakija samastojna moža tolki daśviedčany karystalnik) možna atrymać lubuju infarmacyju, što pakazvajecca na ekranie pryłady.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary