Administracyja raspracavanaha Paŭłam Duravym mesendžara Telegram abviaściła pra pačatak konkursu pa ŭzłomie šyfravańnia pierapiski.
Pavodle ŭmovaŭ konkursu, chakieram nie treba ŭzłamvać sam kryptahrafičny pratakoł MTProto, jaki vykarystoŭvajecca ŭ mesendžary Durava Telegram. U konkursie ličycca, što chakiery ŭžo zachapili poŭny kantrol nad siervierami.
Hałoŭnaja zadača — daviedacca z zašyfravanaj pierapiski dvuch botaŭ, Poła i Nika, śpiecyjalny adras elektronnaj pošty. Kab pačać zadańnie, treba znajści ŭ Telegram karystalnika ź niknejmam @CryptoContest i adasłać jamu słova «START».
Konkurs zavieršycca pry pieršaj pieramozie chakieraŭ ci spynicca 4 lutaha 2015 hoda, kali chakiery pacierpiać parazu. Hałoŭny pryz uzłomščyku składaje 300 tysiač dalaraŭ, asobny pryz u 100 tysiač dastaniecca tamu, chto prymusić bota pryniać zašyfravanaje paviedamleńnie.
U 2013 hodzie Pavieł Duraŭ užo pravodziŭ taki konkurs. Tady jon vykłaŭ usiu svaju pierapisku ŭ Telegram u adkryty dostup u vyhladzie taho trafiku, jaki pieradaje mesendžar. Lubomu, chto zmoh by jaho rasšyfravać, jon abiacaŭ 200 tysiač dalaraŭ. Konkurs zavieršyŭsia bieź pieramožcy.
Telegram — mabilnaja prahrama dla abmienu paviedamleńniami i miedyjafajłami. Prajekt stvorany Paŭłam Duravym na asnovie pratakoła šyfravańnia MTProto, stvoranaha jaho bratam Mikałajem Duravym. Sama prahrama pastaŭlajecca z adkrytym sychodnym kodam.
***
Pavieł Duraŭ — rasijski pradprymalnik, zasnavalnik sacsietki «Ukantakcie». U śniežni 2013 hoda pazbaviŭsia ad svajoj doli (12%) ŭ kampanii. Uviesnu 2014 hoda byŭ zvolnieny z pasady hiendyrektara sacsietki. Duraŭ pakinuŭ Rasiju, zaraz źjaŭlajecca hramadzianinam Sent-Kits i Nevis. U vieraśni 2014 hoda «Ŭkantakcie» była całkam vykuplenaja Mail.ru Group.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary