Fota: www.70-130.com
Adna z najbujniejšych transpartnych arhanizacyj Biełarusi, Minabłaŭtatrans, razdaść pasažyram mižnarodnych aŭtobusaŭ biaspłatny Wi-Fi, raspaviadaje BIEŁTA sa spasyłkaj na hiendyrektara arhanizacyi Viktara Rusaka.
Siońnia aŭtobusy, zadziejničanyja ŭ mižnarodnych maršrutach, majuć klimat-kantrol, aŭdyjo- i videasistemy, kuchni i prybiralni. Z maja ŭ «kamplekt» dadaduć biaspłatny Wi-Fi.
Akramia taho, skarystacca biaspłatnym Wi-Fi možna budzie na aŭtavakzałach Minskaj vobłaści.
***
Mižnarodnyja aŭtobusy «Minabłaŭtatransa» jeździać pa mnostvu turystyčnych napramkaŭ, siarod jakich Čarnahoryja, Čechija, Francyja, Ispanija, Italija, Litva i Polšča. Pradpryjemstva maje 18 filijałaŭ i abjadnoŭvaje 11 aŭtavakzałaŭ i 13 aŭtastancyj.
Pry karystańni navat biaspłatnym Wi-Fi zhodna z «ukazam 60» u Biełarusi patrabujecca identyfikacyja asoby praz atrymańnie pašpartnych dadzienych. Z zadačaj identyfikacyi biez pradjaŭleńnia pašpartu ŭ Mahilovie spravilisia praz uviadzieńnie abanientam svajho numaru telefonu dziela atrymańnia SMS-parolu na padklučeńnie da sietki.
