Siońnia pačałasia sumiesnaja štabnaja treniroŭka (SŠT) Abjadnanaha kamandavańnia rehijanalnaj hrupoŭki vojskaŭ (RHV(S) Respubliki Biełaruś i Rasijskaj Fiederacyi pa temie «Płanavańnie prymianieńnia RHV(S) u intaresach zabieśpiačeńnia vajennaj biaśpieki Sajuznaj dziaržavy», paviedamili ŭ Ministerstvie abarony Biełarusi.
Jak rastłumačyli ŭ ministerstvie, štabnaja treniroŭka prachodzić u adpaviednaści z Płanam padrychtoŭki Uzbrojenych Sił pa pryznačeńni ŭ 2014-2015 navučalnym hodzie. Treniroŭka pradoŭžycca pa 27 sakavika pad kiraŭnictvam načalnika Hienieralnaha štaba Uzbrojenych Sił — pieršaha namieśnika ministra abarony Respubliki Biełaruś hienierał-majora Aleha Biełakonieva.
«U chodzie treniroŭki pradstaŭniki vajennych viedamstvaŭ dźviuch dziaržaŭ pradoŭžać adpracoŭku pytańniaŭ sumiesnaha płanavańnia prymianieńnia vojskaŭ na asnovie vopytu ŭzbrojenych kanfliktaŭ apošnich hadoŭ u intaresach zabieśpiačeńnia vajennaj biaśpieki Sajuznaj dziaržavy», - raskazali ŭ Minabarony. Heta treniroŭka — łahičny praciah kompleksu sumiesnych mierapryjemstvaŭ apieratyŭnaj padrychtoŭki i nakiravana na pavyšeńnie apieratyŭnaj sumiaščalnaści orhanaŭ vajennaha kiravańnia dźviuch dziaržaŭ, jakija prymuć udzieł u sumiesnym apieratyŭnym vučeńni ŭzbrojenych sił Biełarusi i Rasii «Ščyt Sajuza-2015».
U SŠT zadziejničany strukturnyja padraździaleńni Minabarony, Hienštaba i Uzbrojenych Sił, apieratyŭnyja hrupy kamandavańnia VPS i vojskaŭ PPA, sił śpiecyjalnych apieracyj (SSA), upraŭleńnia apieratyŭnych kamandavańniaŭ, štaboŭ zon terytaryjalnaj abarony, respublikanskich orhanaŭ dziaržkiravańnia Biełarusi. Taksama ŭ treniroŭcy prymajuć udzieł aficery Uzbrojenych Sił Rasijskaj Fiederacyi (US RF) u składzie Abjadnanaha kamandavańnia rehijanalnaj hrupoŭki vojskaŭ (sił) i apieratyŭnaj hrupy Zachodniaj vajennaj akruhi US RF.
U abaronnym viedamstvie ŭdakładnili, što treniroŭka pravodzicca na stacyjanarnych punktach kiravańnia Uzbrojenych Sił, VPS i vojskaŭ PPA, SSA, apieratyŭnych kamandavańniaŭ, štaboŭ zon terytaryjalnaj abarony.
