Brytanski režysior Samanta Tejłar-Vud aficyjna abviaściła ab tym, što nie budzie ŭdzielničać u zdymkach praciahu filma «Piaćdziesiat adcieńniaŭ šeraha», jaki prynios joj słavu.
AP
«Ja nie viartajusia ŭ režysiorskaje kresła dla stvareńnia sikviełaŭ, — paviedamiła režysior u zajavie, raspaŭsiudžanaj u sieradu. — Ale ja žadaju pośpiechu lubomu, chto voźmie na siabie hetak pavabnuju adkaznaść i stvoryć jašče dźvie ci try sieryi».
Film «Piaćdziesiat adcieńniaŭ šeraha» zrabiŭ sapraŭdnuju siensacyju ŭ mnohich krainach. Jon vyjšaŭ u prakat u lutym i prynios jaho stvaralnikam 558,5 młn dalaraŭ pry vytvorčych vydatkach u 40 młn dalaraŭ.
Jak paviedamlajuć kiniematahrafičnyja koły, hałoŭnaj pryčynaj vychadu Samanty Tejłar-Vud z prajekta stali jaje naciahnutyja adnosiny z aŭtarkaj tryłohii «Piaćdziesiat adcieńniaŭ šeraha» brytanskaj piśmieńnicaj E.Ł.Džejms. Apošniaja pastajanna ŭmiešvałasia ŭ zdymki i nastojvała na bolš adkrytych eratyčnych scenach.
Adnačasova stała viadoma, što scenaryst Keli Marseł taksama admoviłasia ad pracy nad praciaham filma. «U vyniku, — adznačaje štotydniovik Hollywood Reporter, — pradziusary akazalisia ŭ situacyi, kali im pryjdziecca šukać novy tvorčy kalektyŭ».
