Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, u toj dzień a 19.08 u słužbu vyratavańnia pastupiła paviedamleńnie pra toje, što na bałkonie kvatery na dzieviatym paviersie žyłoha doma pa vulicy Maskoŭskaj znachodzicca 12-hadovy chłopčyk, jaki pahražaje, što hatovy skočyć uniz.
Padraździaleńni MNS nieadkładna vyjechali na miesca. Kamandzir adździaleńnia pažarnaj avaryjna-vyratavalnaj čaści № 3 Bresckaha haradskoha adździeła pa NS Andrej Bulko vyrašyŭ dziejničać z kvatery. Vyjšaŭšy z pakoja na bałkon, jon uvieś čas razmaŭlaŭ z chłopčykam i pavolna nabližaŭsia da jaho. Takim čynam, ni na chvilinu nie spyniajučy razmovy, vyratavalniku ŭdałosia zavieści padletka nazad u pakoj, paśla čaho chłopčyk byŭ pieradadzieny miedycynskim rabotnikam.
Z padziakaj na adras Andreja Bulko ŭ Brescki haradski adździeł pa NS źviarnułasia babula školnika. Za prafiesijanalizm, inicyjatyvu i daskanałyja dziejańni, prajaŭlenyja pry vyrašeńni słužbovych zadač, kamandzira adździaleńnia pažarnaj avaryjna-vyratavalnaj čaści №3 uzaharodzili hrašovaj premijaj Bresckaha haradskoha adździeła pa nadzvyčajnych situacyjach.
