U Fort-Midzie (štat Merylend) nieviadomyja siońnia sprabavali prataranić na aŭtamabili varoty štab-kvatery Ahienctva nacyjanalnaj biaśpieki ZŠA (ANB), pieradaje CNN.
AP/Scanpix
Incydent zdaryŭsia kala prapusknoj bramy ŭdalečyni ad hałoŭnaha budynka. Palicyja adkryła ahoń pa mašynie, jakaja sprabavała pajści na taran. U joj znachodziłasia dva čałavieki, adzin ź ich zabity, druhi — surjozna paranieny. Taksama paviedamlajecca, što paciarpieŭ adzin z palicejskich. Raspačataje rasśledavańnie.
Heta nie pieršy vypadak napadu na štab-kvateru ANB ŭ Fort-Midzie za apošni miesiac. 4 sakavika byŭ aryštavany były aficer uzbrojenych sił ZŠA, jaki padazravaŭsia ŭ abstrele hetaha budynka.
Zatrymany taksama padazrajecca ŭ šerahu inšych epizodaŭ stralby, zafiksavanych pablizu chutkasnych aŭtadaroh štata Merylend za apošnija dva tydni. U vyniku tych incydentaŭ nichto nie paciarpieŭ.
