Aŭtamabili starejšyja za 2007 hod vypusku, što ŭvoziacca ŭ Biełaruś fizičnymi asobami, z 1 krasavika pavinny buduć adpaviadać ekałahičnamu kłasu 4 i vyšej. Ab hetym paviedamiŭ siońnia žurnalistam staršynia Dziaržaŭnaha kamiteta pa standartyzacyi Viktar Nazaranka.
«Dziaržstandartam pryniata pastanova, jakaja praduhledžvaje, što z 1 krasavika ŭsie mašyny starejšyja za 2007 hod vypusku, jakija ŭvoziacca fizičnymi asobami, pavinny buduć da afarmleńnia ŭ DAI mieć dokaz taho, što kłas hetaj mašyny nie nižejšy za 4-y ekałahičny kłas», — skazaŭ kiraŭnik viedamstva.
«Siońnia ŭ krainie razhortvajecca sietka łabaratoryj, jakija buduć pravodzić hetu rabotu. U asnoŭnym pracedura budzie źviazana z dakumientalnym kantrolem, acenkaj isnujučych baz danych, jak u našaj krainie, tak i ŭ našych kaleh», — udakładniŭ Viktar Nazaranka. Na jaho pohlad, pracedura paćviardžeńnia adpaviednaści aŭtamabilaŭ patrabujemamu ekałahičnamu kłasu nie budzie dla hramadzian ciažkaj.
«Praces zapuščany: spačatku vielmi staryja aŭtamabili pavinny buduć dakazać, što adpaviadajuć 4-mu kłasu, z kožnym hodam heta płanka budzie pavyšacca — i pa ŭzroście, i pa ekałahičnym kłasie», — dadaŭ kiraŭnik Dziaržstandartu. Heta, padkreśliŭ jon, adpaviadaje normam techničnaha rehłamientu Mytnaha sajuza «Ab biaśpiecy kołavych transpartnych srodkaŭ» (TR MS 018/2011).
Techrehłamient ustupiŭ u siłu 1 studzienia 2015 hoda. Dakumientam ustanoŭleny praviły abaračeńnia na rynku abo ŭvodu ŭ ekspłuatacyju kołavych transpartnych srodkaŭ, patrabavańni biaśpieki, pracedury acenki adpaviednaści typaŭ transpartnych srodkaŭ, patrabavańni da markiroŭki pradukcyi adzinym znakam abaračeńnia pradukcyi na rynku dziaržaŭ - členaŭ MS i Adzinaj ekanamičnaj prastory.
Patrabavańni techrehłamientu harmanizavany ź mižnarodnymi praviłami, u tym liku Jeŭrapiejskaj ekanamičnaj kamisii AAN.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary