Dyskusija pra kolkaść palitźniavolenych u Biełarusi niedarečnaja i nieprymalnaja, bo važna, kab ich nie było. Pra heta ŭ intervju BiełaPAN i partału tut.by zajaviŭ były ministr zamiežnych spraŭ Šviecyi Karł Bilt, jaki znachodzicca ŭ Minsku z adnadzionnym vizitam u składzie delehacyi ekśpiertaŭ ź Jeŭrapiejskaj rady pa mižnarodnych adnosinach.
«Lubaja kolkaść palitźniavolenych, akramia nula, nieprymalnaja, — padkreśliŭ Bilt. — Dakładnaja ich kolkaść ciapier nie važnaja. Važna, kab ich nie było zusim».
Jon taksama adznačyŭ, što nie bačyć prykmiet taho, što ES hatovy zapluščyć vočy na prablemy z demakratyjaj i pravami čałavieka ŭ Biełarusi, kab atrymać mahčymaść vyvieści jaje z-pad upłyvu Rasii. «Nie baču, kab heta adbyvałasia, — skazaŭ Bild. — Ale baču, što nieabchodny hłyboki palityčny dyjałoh pa šerahu pytańniaŭ, u tym liku i pa hieapalityčnych prablemach. Jašče pačynajučy z rasijska-hruzinskaha kanfliktu, Maskva akazvała nacisk na Biełaruś, kab taja pryznała Abchaziju i Paŭdniovuju Asieciju. Ale Biełaruś hetaha nie zrabiła. Ciapier nacisk akazvajecca ŭ suviazi z padziejami va Ukrainie».
Kažučy pra mahčymaje supracoŭnictva pamiž ES i Jeŭrazijskim ekanamičnym sajuzam, Bild adznačyŭ, što «ciažka zrazumieć toje, što adbyvajecca ciapier, bo nie zusim jasnaja taja pazicyja, jakuju zaniała Maskva, ci hatovaja jana rabić niejkija kroki dla ekanamičnaj intehracyi».
«Vialikaje pytańnie dla nas, što nasamreč značyć JEAES, jaki ŭpłyŭ jon maje i budzie mieć na Biełaruś u płanie praviadzieńnia joj svajoj ułasnaj palityki i ci jon pravodzić takuju palityku. Heta tyja pytańni, jakija nam cikavyja», — adznačyŭ Bild.
Zakranuŭšy Uschodniaje partniorstva, dypłamat adznačyŭ, što Biełaruś pakul źjaŭlajecca aŭtsajdaram u adnosinach ź ES u miežach hetaj inicyjatyvy ŭ paraŭnańni z Hruzijaj, Małdovaj i Ukrainaj. «Jany bolš aktyŭnyja, ale, ź inšaha boku, Biełaruś nikoli i nie vykazvała žadańnia dla takoha aktyŭnaha raźvićcia adnosin», — skazaŭ jon.
Pavodle mierkavańnia Bilta, padčas Ryžskaha samitu Uschodniaha partniorstva ŭ mai najbolšaja ŭvaha budzie nadadziena jakraz pytańniam adnosin ES z Hruzijaj, Małdovaj i Ukrainaj, pahadnieńniam ab handli ź imi i tamu, što treba jašče zrabić dla dapamohi hetym krainam.
Kažučy pra miratvorčyja namahańni Biełarusi pa ŭrehulavańni kanfliktu va Ukrainie, Bilt adznačyŭ, što heta zrabiła krainu bolš viadomaj u śviecie. «Hetyja namahańni nie akazali vialikaha ŭpłyvu na adnosiny ź ES, ale pavysili paznavalnaść Biełarusi ŭ tych krainach, dzie da hetaha pra jaje nie vielmi zadumvalisia», — zajaviŭ jon.
Pa słovach Bilta, pa vynikach hetaha vizitu, padčas jakoha pradstaŭniki Jeŭrapiejskaj rady pa mižnarodnych spravach sustrakalisia jak z aficyjnymi asobami, tak i z pradstaŭnikami hramadzianskaj supolnaści, budzie padrychtavanaja spravazdača z rekamiendacyjami dla ES pa raźvićci adnosin ź Biełaruśsiu.
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni4
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier33
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier3
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary