Žychar Kitaja ciaham mnohich hadoŭ mieŭ ramany adnačasova jak minimum z 17 dziaŭčatami, kožnaja ź jakich ličyła siabie jaho adzinaj pasijaj, piša Bi-Bi-Si
Nieviadoma, jak doŭha b jamu ŭdavałasia vieści taki ład žyćcia, kali b nie niaščasny vypadak. Paśla taho jak jon trapiŭ u aŭtamabilnuju avaryju, 17 jaho siabrovak nieadkładna prymčalisia ŭ lakarniu pacikavicca jaho samaadčuvańniem.
Jak paviedamlaje hazieta South China Morning Post, žychar horada Čanša ŭ pravincyi Chunań, viadomy tolki jak mister Juań, pa ŭsioj bačnaści sustrakaŭsia z usimi hetymi žančynami paralelna, pryčym u adnoj ź ich navat było dzicia ad jaho.
Mnohich z hetych dziaŭčat Juań vadziŭ za nos na praciahu miesiacaŭ, adnak u niekatorych vypadkach stasunki doŭžylisia šmat hadoŭ. Praŭda vyjaviłasia paśla taho, jak daktary źviazalisia ź jaho kachanymi, kab paviedamić im pra zdareńnie.
«Ja vielmi ŭstryvožyłasia, kali daviedałasia, što jon trapiŭ u balnicu, — raspaviała žurnalistam miascovaj haziety Siaa Li, jakaja sustrakałasia ź misteram Juaniem 1,5 hoda. — Ale kali ja ŭbačyła, što ŭ balnicu adna za adnoj prychodziać usio bolš pryhožyja dziaŭčaty, kab spravicca pra jaho, ja raspłakałasia tak, jak nikoli ŭ svaim žyćci».
Pavodle jaje słoŭ, niekatoryja ź jaho paluboŭnic akazvali jamu materyjalnuju dapamohu, pryčym adna ź ich zabiaśpiečvała jaho hrašyma na praciahu dzieviaci hadoŭ.
Jašče adna ašukanaja Juaniem siabroŭka raspaviała, što ŭžo pačała padrychtoŭku da viasiella.
Dla samoha ž mistera Juania, prablemy tolki pačynajucca: palicyja ŭ Kitai pačała rasśledavańnie pa padazreńni ŭ machlarstvie.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy12
Kamientary