Tysiačy tureckich studentaŭ dałučylisia da anłajn-pietycyi na karyść budaŭnictva džedajskich chramaŭ, jakaja startavała paśla taho, jak rektar Techničnaha univiersiteta Stambuła Miechmiet Karač prapanavaŭ pabudavać miačeć na terytoryi kampusa, raspaviadaje CNN.
Charakterna, što džedajski chram zachacieli 200 tysiač studentaŭ, a 20 tysiač vykazalisia za budyscki. Akramia taho, 5 tysiač studentaŭ Dokuz Eylül University ź Iźmira 9 vieraśnia padpisali chadajnictva ab budaŭnictvie džedajskaha chrama.
«Usio mienš i mienš džedajaŭ zastajecca na ziamli. Nabirać novych džedajaŭ treba i ŭ siłu bałans pryvieści, voś dla čaho džedajski chram chočam my», – havorycca ŭ chadajnictvie, jakoje stylistyčna nahadvaje manieru razmovy piersanaža «Zornych vojnaŭ» majstry Jody.
«Ja padpisaŭsia tamu, što najbližejšy džadajski chram znachodzicca ŭ miljardach śvietłavych hadoŭ ad nas», – patłumačyŭ niechta z padpisantaŭ na sajcie Change.org:
Viasiołyja inicyjatyvy takoha kštałtu stvaraje tureckaja apazicyja, jakaja krytykuje prezidenta Turcyi Redžepa Taipa Erdahana za sprobu pryvić hramadstvu zališni kansiervatyzm.
Džedai – heta vydumanyja piersanažy kultavaha amierykanskaha filma «Zornyja vojny».
