ctv.by
Na pytańnie ab tym, ci možna žyć na zaroblenyja zakonnym šlacham i nakoplenyja hrošy, nie płaciačy zbor «za darmajedstva», Valancina Masłoŭskaja adkazvaje admoŭna. Čynoŭnica matyvuje heta tym, što niekali zapłačanyja padatki, chaj i vialikija, nie raspaŭsiudžvajucca na budučyniu.
— Raspaŭsiudžvać zapłačanyja niekali padatki na budučyniu nielha. Skažycie, dzie takoje mahčyma, u jakoj dziaržavie? Vy pracavali, vy płacili padatki, ale vy heta rabili za toj pieryjad. Kali vy pierastali pracavać, to my nie možam zaličyć zapłačanyja padatki na budučyniu. U svajoj praktycy ja jašče ni ŭ adnoj dziaržavie takoha nie sustrakała.
— Ale takoha padatku taksama niama ni ŭ adnoj dziaržavie.
— Prabačcie, pytańnie nie ŭ tym, jość zbor albo niama. Pytańnie pra ŭdzieł u padatkaabkładańni. Kali takoha zboru niama, značyć, u niečym inšym jość, u pamiery padatku. Jany ŭ niekatorych krainach dachodziać da 50%. U kožnaj krainie svaje mahčymaści
Pry hetym za miažoj krainy na zaroblenyja ŭ Biełarusi hrošy žyć nie pracujučy možna, płacić zbor nie treba. Adzinaja ŭmova — paćvierdzić, što adsutničaŭ u Biełarusi.
— To bok kali ja zachaču pažyć na svaje nakoplenyja źbieražeńni, mnie treba vyjazdžać za miažu?
— Razhladajučy Dekret №3, kali vy aformicie za miažoj pastajannaje miesca žycharstva, to tak. Vam treba źjechać. Kali pražyviacie ŭ krainie mienš za 183 dni na hod, to budziecie vyzvalenyja ad zboru.
Škada tolki, što pry hetym biełaruski biudžet niedaličycca tych padatkaŭ, jakija ja vypłaču, štodnia niešta nabyvajučy ŭ kramie. Hrošy zastanucca za miažoj.
