Marta Čarnova — dyzajnier, ilustratar, jakaja 7 hod pražyła ŭ ZŠA dy viarnułasia ŭ Biełaruś. Razam ź siabroŭkaj z Hałandyi Maryjaj Čarakovaj viadzie błoh «Heta Biełaruś, dzietka!».
U im Marta z dapamohaj komiksaŭ pakazvaje žyćcio ŭ našaj krainie dy raspaŭsiudžanyja stereatypy zamiežnikaŭ pra Biełaruś. Tut jość i pra čyściniu minskich vulic, i pra «dzirkavyja» prybiralni ŭ teatry, pra biełaruskuju movu dy praviła «zamuž da dvaccaci piaci».
Letam aŭtarki błohu płanujuć vydać knihu komiksaŭ pra Biełaruś.
Jašče Marta stvaraje «Klovuju kartu Minska» - alternatyŭny hajd pa horadzie, składzieny samimi minčukami. Jon adrasavany, najpierš, zamiežnikam, jakija žadajuć hłybiej paznajomicca ź biełaruskaj stalicaj.
U čaćvier 16 krasavika a 19-j Marta Čarnova adkaža na pytańni čytačoŭ dy žurnalistaŭ NN u pramym efiry. Kali łaska, pakidajcie svaje pytańni dy dzialiciesia ŭražańniami ad komiksaŭ u kamientarach pad hetaj navinoj.
Z apisańnia ŭ błohu: «My nazyvajem heta «biełaruski honar»: zialonyja dy čystyja harady».
Prybiralni ŭ teatrach.
Pra movu.
Z apisańnia ŭ błohu: «Składvajecca ŭražańnie, što pośpiech u žyćci vymiarajecca tym, ci zamužam ty ŭ svaje 25».
Z apisańnia ŭ błohu: «Kali kasir nie pavitaŭsia z vami, to heta tamu, što jon užo zrabiŭ heta ŭ svajoj hałavie».
Letniaja niespadziavanka.
Z apisańnia ŭ błohu: «Zamiežnikam moža padacca, što nastupiła Čornaja piatnica. Ale nie ašukvajcie siabie: heta nie dzień rasprodažaŭ».
Stvaralnicy błohu Marta Čarnova (źleva) i Maša Čarakova.
Hladzicie taksama: Stvaralnica komiksaŭ pra Biełaruś: Mianie razdražniaje, kali čuju pra «adsiul treba valić»
