Bajavy bieśpiłotnik X-47 Pegasus. Fota: Shephard News Team
Źniščalnik F-35 Lightning II chutčej za ŭsio budzie apošnim piłatavanym źniščalnikam na ŭzbrajeńni Vajenna-marskich sił ZŠA, piša sakratar VMS Rej Mabus.
U bližejšy čas VMS ZŠA źbirajucca całkam admovicca ad zakupak zvyčajnych źniščalnikaŭ na karyść bieśpiłotnikaŭ.
«Prybraŭšy čałavieka z kabiny, my zmožam adkryć prastoru dla bolš ryzykoŭnych ekśpierymientaŭ, chutčejšaha ŭdaskanaleńnia sistem i chutčejšaj pastaŭki ich na fłot», — śćviardžaje Mabus. Viadoma, bieśpiłotniki ŭratujuć i žyćci piłotaŭ.
Jon paviedamiŭ ab płanach pa stvareńni asobnaha centra kiravańnia bieśpiłotnaj avijacyjaj, a taksama ab pašyreńni ekśpierymientaŭ pa vykarystańni 3D-pryntaraŭ u vyrabie vuzłoŭ techniki i miedycynskaha abstalavańnia.
Pa słovach sakratara VMS ZŠA, aŭtanomnyja adnarazovyja samaloty CICADA mohuć vyrablacca na 3D-pryntarach i z dapamohaj GPS stvarać bieśpiłotny «roj», što budzie nazirać za terytoryjaj albo adkazvać za kamunikacyi.