Prezident Sierbii moh zahinuć praź niejmaviernaje raździaŭbajstva piłota. Kałaž telegraf.rs.
Druhi piłot samalota prezidenta Sierbii Tamisłava Nikaliča ledź nie raźbiŭ łajnier padčas palotu. Da avaryjnaj situacyi pryviała krajniaja nieaściarožnaść.
Padčas palotu lotčyk… praliŭ kavu na prybornuju došku. Pryčym heta zdaryłasia ŭ momant, kali łajnier trapiŭ u zonu turbulentnaści. Piłot kinuŭsia vycirać prybornuju došku survetkaj i vypadkova adklučyŭ adzin z tumbleraŭ, u vyniku čaho prezidencki samalot pačaŭ chutka hublać vyšyniu. Kamandziru ekipaža udałosia viarnuć łajnieru kiravanaść i pasadzić jaho ŭ stalicy Sierbii Białhradzie.
Incydent adbyŭsia 17 krasavika, kali Tamisłaŭ Nikalič kiravaŭsia ź vizitam u Vatykan.
Prakamientavaŭ avaryjnuju situacyju i daradca kiraŭnika Sierbii Stanisłaŭ Pak. Jon paviedamiŭ, što samalot kamieniem padaŭ uniz. «My budziem adznačać hety dzień jak druhija narodziny», — skazaŭ jon.
Druhoha piłota, vinavataha ŭ avaryjnaj situacyi, adchilili ad raboty, pišuć sierbskija ŚMI.
