Supracoŭniki DAI Centralnaha rajona Minska ŭ miežach kantrolu za vykanańniem vadzicielami praviłaŭ spynieńnia i stajanki arhanizujuć pracu z pryciahnieńniem evakuatara ŭ načny čas sutak. Pra heta paviedamlaje pres-słužba ŭpraŭleńnia Dziaržaŭtainśpiekcyi HUUS Minharvykankama.
U adździeł DAI Centralnaha rajona ŭsio čaściej źviartajucca žychary z prośbaj navieści paradak na dvarovaj terytoryi. U Dziaržaŭtainśpiekcyi praanalizavali hetyja zvaroty i pryniali rašeńnie, što metazhodna budzie pryciahvać evakuatar nie tolki dniom, ale i ŭ načny čas. Kožny dzień i pa ŭsim rajonie pravodzić takija rejdy nie budzie mahčymym, zaznačajuć u DAI, ale dziakujučy nieabyjakavym hramadzianam budzie praściej vyznačyć samyja prablemnyja miescy.
U DAI nahadvajuć, što štraf za parušeńnie praviłaŭ spynieńnia i stajanki składzie 180 tys. rubloŭ pry pieršym pravaparušeńni i 360 tys. rubloŭ pry paŭtornym.
Prymusovaja adbuksoŭka (evakuacyja) transpartnaha srodku na stajanku, jakaja achoŭvajecca, z poŭnaj pahruzkaj na evakuatar budzie kaštavać 430 tys. rubloŭ. Toje ž, ale z častkovaj pahruzkaj na evakuatar — 380 tys. rubloŭ.
Zachoŭvańnie prymusova evakujavanaha transpartnaha srodku na stajancy, što achoŭvajecca, na praciahu 1—3 sutak budzie kaštavać 60 tys. rubloŭ za sutki, ad 4 da 10 sutak — pa 35 tys. rubloŭ za sutki, 10 i bolš sutak — pa 25 tys. rubloŭ za sutki.
