U Biełaruskim dziaržaŭnym univiersitecie raspracavanaja pieršaja elektronnaja infarmacyjna-daviedačnaja baza danych pra sałdat i partyzan Biełarusi, jakija zahinuli ci prapali bieź viestak padčas Druhoj suśvietnaj vajny, paviedamlaje pres-słužba VNU.
Inicyjataram i raspracoŭščykam elektronnaj bazy vystupiŭ histaryčny fakultet BDU. Krynicaj infarmacyi pasłužyli knihi sieryi «Pamiać. Historyka-dakumientalnyja chroniki biełaruskich rajonaŭ».
Ciapier historyki BDU apracoŭvajuć i ŭnosiać u bazu danyja pa Minsku i Minskaj vobłaści — sistema ŭžo ŭklučaje źviestki bolš jak pra 10 tysiačach udzielnikach vajny. «U chutkim časie supracoŭniki i studenty histaryčnaha fakulteta pačnuć napaŭniać sistemy źviestkami pra voinaŭ-ziemlakoŭ inšych abłaściej Biełarusi. Akramia taho, miarkujecca, što siudy ŭvojdzie infarmacyja pra mirnych žycharoŭ — achviar fašysckaha teroru i sałdatach, jakija viarnulisia z frontu», — adznačyli ŭ BDU.
Navihacyja elektronnaha resursu dazvalaje vieści pošuk ludziej pa proźviščy, imieni, imieni pa baćku, vobłaści, rajonu, horadu/vioscy naradžeńnia i miescy śmierci.
Baza danych źjaŭlajecca adkrytaj. Zaŭvahi pra niedakładnyja danyja, a taksama novyja źviestki, jakija ŭvajšli ŭ knihu «Pamiaci», možna paviedamlać pa spasyłcy.
