Časovy pavierany ŭ spravach ZŠA ŭ Biełarusi Skot Rołand (źleva) i staršynia Bieraściejskaha harvykankamu Alaksandar Rahačuk (sprava)
Amerykancaŭ sustrakaŭ staršynia Bieraściejskaha harvykankamu Alaksandar Rahačuk, prysutničaŭ časovy pavierany ŭ spravach ZŠA ŭ Biełarusi Skot Rołand.
Alaksandar Rahačuk pryvitaŭ udzielnikaŭ kancertu pa-biełarusku. Jon vykazaŭ spadzieŭ, što taki kancert stanie tradycyjaj:
«Jość takija słovy — kali pieśni śpiavajuć, to harmaty maŭčać. Tamu davajcie sustrakacca na takich kancertach, davajcie atrymlivać pieramohi na spartyŭnych arenach,» — skazaŭ Alaksandar Rahačuk i vykazaŭ spadzieŭ, što ŭ nastupnym hodzie bieraściejcam udasca pasłuchać kancert arkiestru vajskova-marskich sił ZŠA.
Biełaruski vajskoviec hutaryć z amerykanskim
Niekalki socień bieraściejcaŭ pryšli na kancert. Muzyki vykanali melodyi nia tolki amerykanskaha džazu, ale i biełaruskija matyvy. Hetak, pad huki «Kupalinki» bieraściejcy pačali plaskać u ładki i prytancoŭvać. Hučali vokličy: «Brava!», «Dziakuj!», niekatoryja dziakavali pa-anhielsku.
U pieršym šerahu siadzieli bieraściejskija veterany. Napačatku kancertu im razdali amerykanskija ściažki, ale praź niekatory čas biełaruskaja rasparadžalnica zamianiła ich na čyrvona-zialonyja.
Amerykanskim dyplamatam dy čynoŭnikam razdali faksymilny numar hazety «Sovietskaja Biełoruśsija» za 9 traŭnia 1945 hodu ź vialikim partretam Stalina na pieršaj staroncy (hł. vyšej).
Majkł Minč i Skot Rołand
Naprykancy kancertu adbyłasia fotasesija z amerykanskimi vajskoŭcami i nievialikaja presavaja kanferencyja časovaha pavieranaha ŭ spravach ZŠA Skota Rołanda dy kiraŭnika arkiestru Majkła Menča.
«Dla nas vialiki honar być u hetyja dni razam z vam, — skazaŭ Majkł Menč. — My vysoka cenim toje, što ludzi rabili ŭ čas druhoj usiaśvietnaj vajny, cenim ich podźvihi i achviary».
U časie kancertu perymetar achoŭvali milicyjanty i AMAP. Dziažuryli asoby ŭ cyvilnym ź mikrafonami za vucham. Ale nijakich incydentaŭ nie adbyłosia.