Hramadstva6565

«Kibierpartyzany» ŭzłamali rektara BDU Karala i daviedalisia ŭsio — kachanki, pierapiski, intryhi

Čym žyvie rektar hałoŭnaj VNU krainy?

Rektar BDU Andrej Karol

«Kibierpartyzany» apublikavali druhuju častku svajho rasśledavańnia nakont situacyi ŭ BDU.

Dakumienty viadučaj navučalnaj ustanovy krainy, jakija akazalisia ŭ rasparadžeńni kamandy, dajuć ujaŭleńnie nie tolki pra palityčnyja represii ŭnutry ŭniviersiteta, ale i dazvalajuć daviedacca pra toje, čym žyvie jaho rektar — Andrej Karol.

@nashaniva «Kibierpartyzany» ŭzłamali rektara BDU Karala i daviedalisia ŭsio #našaniva #biełaruś #naviny #bhu #studienty #minsksiejčas #biełaruśnovosti ♬ Paris - 3Hzwave

Kvatera

Siarod atrymanych dakumientaŭ — adkaz na zajavu Karala na budaŭnictva trochpakajovaj kvatery. Jaje jon padaŭ u 2021 hodzie. Ale atrymaŭ admovu. Administracyja Centralnaha rajona paličyła, što trochpakajovaja kvatera na siamju z dvuch čałaviek — zašmat.

Heta nie spyniła rektara, jon padłučyŭ da vyrašeńnia svajoj spravy tahačasnaha ministra adukacyi Ihara Karpienku. Apošni napisaŭ na imia Łukašenki list z prośbaj vyrašyć pytańnie z kvateraj.

U jakaści zasłuh Karala adznačajecca, što jon «pravodzić paśladoŭnuju kadravuju palityku, nakiravanuju na zaniaćcie pasadaŭ tolki ludźmi, jakija poŭnaściu padzialajuć ideałohiju biełaruskaj dziaržavy». Jak prykład — «z kastryčnika 2020 hoda z 21 vykładčykam i supracoŭnikam razarvany pracoŭnyja kantrakty», «z 79 asobami demanstratyŭna skaročany pracoŭnyja damovy z 5 da 1 hoda» i «nie dapuščana na pracu 57 čałaviek».

Kachanki

«Kibierpartyzany» taksama atrymali dostup da pierapiski Andreja Karala ŭ vajbiery. Analiz jaje źmiestu dazvalaje śćviardžać, što tolki za apošnija čatyry hady ŭ rektara było jak minimum 7 prychilnic i kachanak. Niekatoryja ź ich — vypusknicy ci byłyja supracoŭnicy BDU. Pry hetym rektar adnačasova mieŭ stasunki ź niekalkimi. Pa etyčnych pryčynach my nie ŭkazvajem imiony hetych žančyn.

«Kibierpartyzany» vykłali asobnyja miescy pierapiski Karala z adnoj z svaich kachanak, jakaja viałasia praz servis Dropbox.

Pohlady na vajnu

«Kibierpartyzany» taksama znajomiać z asobnymi miescami pierapiski Andreja Karala z supracoŭnicaj Maskoŭskaha dziaržaŭnaha ŭniviersiteta. Ź joj jon abmiarkoŭvaje situacyju na rasijska-ŭkrainskim froncie. Karol nazyvaje ŭkraincaŭ «chachłami» i «nacykami» i pieražyvaje, što rasijanam davodzicca adstupać.

Rektar viadučaha VNU krainy ŭpeŭnieny, što čałaviectva žyvie ŭ matrycy. Ale spadziajecca, što jana nie viečnaja.

Intryhi

Kibierpartyzany pryvodziać dokazy ŭpłyvu Karala na vyniki ankietavańnia, jakoje było praviedziena ŭ jaho VNU pa inicyjatyvie administracyi Łukašenki letam 2023 hoda. Rektar uspryniaŭ heta jak pošuk padstavaŭ dla jaho zvalnieńnia i ździejśniŭ zachady, kab administracyja Łukašenki atrymała ličby, jakija pakazvajuć jaho ŭ lepšym śviecie.

Siarod dakumientaŭ i aŭdyjazapis, na jakim Karol raskazvaje ab svaim płanie zvolnić namieśnika načalnika ŭpraŭleńnia pa vychavaŭčaj rabocie Jahora Padalaku. Mužčyna publična padtrymlivaje režym, ale nie padabajecca rektaru. Jak vynikaje z aŭdyjazapisu, Karol płanuje dać Padalaku zadańnie, ź jakim toj nie spravicca. Takim čynam źjavicca nahoda dla zvalnieńnia.

Na inšych apublikavanych aŭdyjazapisach rektar niehatyŭna vykazvajecca ab načalniku ŭpraŭleńnia ekśpiertnaj i analityčnaj raboty BDU Jaŭhienie Charuku. Čałavieka, jaki dla Karala špijoniŭ za studentami i vykładčykami, Karol nazyvaje «hadzionyšam», «hnidaj», «svołačču» i dzielicca płanami, jak źbirajecca jaho publična dyskredytavać pierad kiraŭnictvam Biełaruskaha instytuta stratehičnych daśledavańniaŭ, kab taho tudy nie ŭziali na pracu. Nieŭzabavie Charuk atrymaŭ charaktarystyku — z paznakaj pra niedastatkovuju kampietentnaść.

Aproč taho, na aŭdyjazapisach čuvać, jak Karol zajaŭlaje ab namiery źbirać kampramat na dekana miechanika-matematyčnaha fakulteta Siarhieja Basiakova, jaki ŭdzielničaŭ u palityčnych represijach, a taksama ab namiery arhanizavać sačeńnie za dekanami ŭ niepracoŭny čas z dapamohaj śpiecsłužbaŭ.

«Kibierpartyzany» taksama vykłali skrynšot zvarotu praz Viber Andreja Karala niepasredna da Natalli Kačanavaj. Rektar skardzicca na ministra adukacyi Andreja Ivanca, jaki vykazaŭsia ab tym, što «BDU patrebny novy impuls», i prainfarmavaŭ ab tym, što Ministerstva pieradało kandydaturu Karala na pazačarhovuju atestacyju.

Nieviadoma, ci dapamahła Kačanava, ale pa vynikach vizitu Łukašenki ŭ BDU, jaki adbyŭsia 25 žniŭnia 2023 hoda, Karol zastaŭsia na svajoj pasadzie.

Kamientary65

  • Pilnaje voka
    10.06.2024
    Pry hetym rektar adnačasova mieŭ stasunki ź niekalkimi. Pa etyčnych pryčynach my nie ŭkazvajem imiony hetych žančyn./
    My na sajcie kibierpartyzanaŭ užo pahladzieli. Razam z fota.
  • Andruś
    10.06.2024
    Hety Karol nijaki nie rektar, a hramadzianin načalnik. A BDU nie ŭniviersitet a vyšejšaja navučalnaja ŭstanova.
    Va ŭniviersitetach rektaraŭ abirajuć na svabodnych i spraviadlivych vybarach.
  • BDU
    10.06.2024
    Vojta hnida, viedaŭ kaniešnie jakoje jon haŭno, ale kab nastolki, prosta niejkaja sucelnaja karyčnievaja substancyja - danosy, danosy, pryčym na ŭsich, na stutendaŭ, kalehaŭ, kankurentaŭ, navat na tych, chto padtrymlivaŭ jaho dziejańni i režym, potym represii, i znoŭ danosy i pisulki kab jamu vydali kvateru dy pa-bolej, i kab ad karyta nie adłučali. Intryhi, plotki, pachody naleva, i jak hniłaja višańka na torcie - nasrany ruski mir u hałavie dy flirt z maskoŭskaj zetnicaj. Voś takija ciapier kirujuć u Biełarusi i što samaje ahidnaje, jany jašče vučać našych dziaciej, zasirajuć im hałovy. A kibierpartyzanam vialiki dziakuj, vy lepšyja!

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →