Fota: ALAMY/telegraph.co.uk
Adklučeńnie ci paškodžańnie hiena GIRK3, adkaznaha za sintez adpaviadnaha białku, robić łabaratornych myšej sapraŭdnymi ałkaholikami, raspaviadajuć hienietyki ŭ časopisie Proceedings of the National Academy of Sciences.
Myšy z adklučanym hienam užyvali ałkahol i vyvodzili jaho z kryvi tak ža, jak inšyja surodzičy. Ale kali myšam prapanavali rehularnyja «papojki» pa dźvie hadziny na dzień, užyvali značna bolš śpirtu i litaralna napivalisia.
Navukoŭcy miarkujuć, što ałkahol moža praz hien GIRK3 uzmacniać siłu impulsaŭ, što iduć u centry asałody ŭ mozhu. Na myšej z paškodžanym hienam ałkahol moža dziejničać słabiej.
Dadatkovaja kopija hiena pryvodziła da advarotnaha efiektu: myšy z takoj madyfikacyjaj pili mienš śpirtu za kantrolnuju hrupu.
Takim čynam možna patłumačyć zapojny ałkahalizm i ŭ ludziej. Mahčyma, u navukoŭcaŭ atrymajecca sintezavać rečyva, jakoje ŭzmacniała by pracu GIRK3-kanałaŭ u ludziej-ałkaholikaŭ i vyvodziła by ich z zapojaŭ na hienietyčnym uzroŭni.
