Dobry dzień, pavažanaja redakcyja!
Ja — aficer zapasu ŭkrainskaj armii. Ja ŭžo nie małady i nie mahu ŭdzielničać u padziejach, jakija razhortvajucca ŭ majoj krainie. Karani majoj siamji sychodziać u Homielskuju vobłaść. A ŭžo adtul u Žytomir pierajechaŭ moj dzied. Tamu ja ščyra rady toj padtrymcy, jakuju akazvajecie nam vy, biełarusy.
Pierad 9 Maja ja vyrašyŭ, što abaviazany niejak padziakavać vam za tuju padtrymku, jakuju vy akazvajecie nam. Ja zaŭvažyŭ, što biełarusy ličać, što tolki jany asabista, a nie ŭsia vaša kraina padtrymlivaje nas. Heta nie tak. My adčuvajem padtrymku ad usioj krainy.
17 krasavika prezident Biełarusi Alaksandr Łukašenka prajaviŭ svaju palityčnuju volu i admoviŭsia ŭdzielničać u haniebnym śpiektakli, jaki rychtavaŭ Pucin 9 maja ŭ Maskvie.
Jak kažuć, siabry paznajucca ŭ biadzie. Kali Ukraina zaznała na sabie ahresiju impieryi, biełaruskija braty zmahli padzialić naš bol. Mienavita ŭ biełarusaŭ my znajšli padtrymku. U našu armiju pryjšli biełaruskija hruzaviki, Minsk całkam zabiaśpiečyŭ našu techniku palivam. Prezident Łukašenka padtrymaŭ Parašenku padčas sustrečy ŭ Minsku ŭ lutym.
Ale my, ukraincy, pavinny razumieć, nakolki ciažka biełarusam trymać svoj niezaležny kurs va ŭmovach cisku Rasii. Naša pieramoha zabiaśpiečana tym, što ŭvieś śviet na našym baku. Rasija zastałasia ŭ viečnaj izalacyi. U Kramla adny vasały, a sapraŭdnych siabroŭ niama.
Varta skazać, što akramia padtrymki našaj spravie na vyšejšym uzroŭni biełaruskaj ułady, dapamoha idzie ad asobnych hramadzian i arhanizacyj. Voś niadaŭna ź Biełarusi ŭ zonu bajoŭ na Danbasie pastupiŭ novieńki reanimabil.
U šerahach našych bataljonaŭ aktyŭna vajujuć biełarusy. Niama tajamnicy ŭ tym, jakoj niebiaśpiecy padviarhajucca hetyja dobraachvotniki, jakija sa zbrojaj u rukach adstojvajuć na froncie niezaležnaści Ukrainy i svajoj Biełarusi.
Ja asabista znajomy i z aficerami biełaruskaj armii, jakija bačać niespraviadlivaść, što tvoryć Rasija, i nie bajacca pra heta kazać.
Jany razumiejuć i toje, što biełaruskija ŭzbrojenyja siły pryznačanyja nie dla viadzieńnia vajny, a dla jaje praduchileńnia. Jany adkryta kažuć, što NATA nie źjaŭlajecca navat patencyjnym praciŭnikam, a ŭ sučasnych umovach adporu rasijskaj ahresii možna kazać pra sajuźnicki patencyjał u adnosinach z NATA.
My, ukraincy, udziačnyja vam, biełarusy, za dapamohu i padtrymku. Dziakuj vam!
