Hrupa deputataŭ nakiravała na razhlad Sojma papraŭki da zakanadaŭstva, jakija patrabujuć zabaranić vykarystańnie hieorhijeŭskaj stužki na publičnych zabaŭlalnych i śviatočnych mierapryjemstvach. Parłamient Łatvii prystupić da razhladu idei ŭ čaćvier.
Jak zaznačajuć aŭtary ŭ anatacyi da dakumienta, aranžava-čornaja stužka «z kožnym hodam usio bolej źjaŭlajecca prasłaŭleńniem impieryjalizmu Rasii i stała adzinym znakam adroźnieńnia dla tych ludziej, jakija žyvuć pad upłyvam prapahandy Rasii, a taksama žadajuć terytaryjalnaha pašyreńnia Rasii na miežach byłoha SSSR».
Jany taksama nahadvajuć, što stužačku vykarystoŭvali «i ŭ pracesie akupacyi Krymskaha paŭvostrava», a taksama jana čaściakom źjaŭlałasia hałoŭnym srodkam apaznavańnia «svaich» dla «terarystyčnych i bandyckich hrupovak Uschodniaj Ukrainy».
«Prymajučy pad uvahu źmiest hetaj ideałohii i toj fakt, što rasijskaja prapahanda maje vialiki ŭpłyŭ na terytoryi byłoha SSSR», hrupa deputataŭ patrabuje abmiežavać publičnaje vykarystańnie, zhodna ź ich farmuloŭkaj, «simvaličnaj prysutnaści varožaj u adnosinach da biaśpieki Łatvii tatalitarnaj ideałohii».
Pieršapačatkova ideja nakont abmiežavańnia vykarystańnia hieorhijeŭskaj stužački była padadziena deputatam Viejka Spolitysam. Palityk chacieŭ, kab publičnaje našeńnie hetaha simvała razhladałasia jak administracyjnaje parušeńnie i štrafavałasia. Jak patłumačyŭ sam Spolicis, stužačka «stvaraje napružańnie, bo hety elemient staŭ simvałam Rasii, jaki nieprymalny ŭ demakratyčnym hramadstvie».
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary