«Ci źbiraje FSB infarmacyju na «błakitnych» śviataroŭ?» — zapytalisia ŭ viadomaha pravasłaŭnaha błohiera i dyjakana Andreja Kurajeva (letaś jon raskazaŭ pra «błakitnaje łobi» ŭ RPC).
«Tak, kaniečnie. Jany viedajuć usio. Pra što nadaŭna i baćka Łukašenka zajaviŭ usłych… Ja taksama viedaju, što jamu na stoł kładuć infarmacyju pra seksualnaje žyćcio jaho jepiskapaŭ».
Dyjakan u svaim błohu ahučyŭ niekalki historyj, u jakich vinavaciŭ kankretnych śviataroŭ u «razbeščvańni maładych sieminarystaŭ i viernikaŭ». Fihuravaŭ tam i adzin ź biełaruskich jepiskapaŭ. Ci pryviało da niečaha vykryćcio?
«Ja spadziajusia, što addača jość chacia b u tym, što, mahčyma, niechta z hetaj publiki pierastaŭ siabie adčuvać zusim užo biespakarana. Nie, nikoha nie źniali, nikoha ŭsurjoz nie pakarali. U hetych piersanažaŭ usio dobra. Jany svaje šerahi pamnažajuć, usio ŭ ich cudoŭna. Ale ja ŭsio-taki spadziajusia, što, kali hetyja publikacyi vyratavali ad niepryjemnych pryhod chacia b adnaho maładoha čałavieka, albo chłopčyka, albo dziaŭčynku, ja ŭžo vielmi hetym zadavoleny».
«…Adzin bahasłoŭ vielmi žorstka skazaŭ, što homaseksualizm u našaj carkvie — heta pradukt spažyvańnia premium-kłasa. Jaho dazvalajuć spažyvać tolki viarcham, elicie, a nizy za heta ž adłučajucca i praklinajucca…» — adznačyŭ Kurajeŭ.
