Opijny mak. Fota: deamuseum.org
Hrupa amierykanskich bijołahaŭ paśpiachova pieraŭtvaryła zvyčajnyja piŭnyja droždžy ŭ fabryku pa vytvorčaści morfija i šerahu inšych lekaŭ. Pra toje, jak navučyć droždžy vyrablać apioidy, jany raspaviali ŭ časopisie Nature Chemical Biology.
Technałohija moža dazvolić vytvorcam lekaŭ admovicca ad opijnaha maku, ale dakładna dadaść prablem palicyi.
Navukoŭcy znajšli ŭ burakoŭ fiermient, zdolny pieratvarać aminakisłatu L-tyrazin u rečyva pad nazvaj dopa. Jany madyfikavali DNK droždžaŭ tak, kab jany pačali vyrablać hety fiermient i pieratvarali hlukozu ŭ dafamin. Nastupnaja madyfikacyja hienaŭ «navučyła» droždžy vyrablać S-retykulin. A z retykulinu možna sintezavać morfij i inšyja leki.
Sintez u łabaratornych umovach mnohich lekaŭ zanadta składany — z ekstraktaŭ pryrodnych raślin atrymlivajecca bolš ekanamičnaja vytvorčaść. Siońnia dla stvareńnia marfinu vykarystoŭvajecca opijny mak, ź jakoha taksama moža vyrablacca narkotyk opium, chacia łabaratorny sintez byŭ prapanavany jašče ŭ 1952 hodzie.
Aŭtary daśledavańnia papiaredžvajuć: užo praź niekalki hod z droždžaŭ i cukru ludzi navučacca vyrablać narkotyki ŭ chatnich umovach. Jany prapanujuć abmiežavać licenzii na hienna-madyfikavanyja droždžy šeraham łabaratoryj. Ale jak tolki pryncypy stvareńnia «opijnych droždžaŭ» stanuć ahulnadastupnymi, luby mikrabijołah zmoža ich stvaryć.
