Słužba biaśpieki Ukrainy zapadozryła rasijskaha bajkiera Alaksandra Załdastanava, viadomaha taksama jak Chirurh, u finansavańni samaabvieščanych respublik Danbasa.
U pres-relizie SBU paviedamlajecca, što ŭ dačynieńni da Załdastanava raspačataja sprava ab finansavańni teraryzmu. Sam jon hetuju infarmacyju pakul nie prakamientavaŭ.
SBU śćviardžaje, što Załdastanaŭ, budučy lidaram bajk-kłuba «Načnyja vaŭki», prysvoiŭ srodki, jakija hramadzianie Ukrainy, Rasii i inšych krain układvali ŭ kampaniju Forex Trend dla inviestavańnia na mižnarodnych finansavych rynkach.
Pavodle dadzienych SBU, atrymanyja srodki pieravodzilisia na rachunki členaŭ bajk-kłuba, paśla čaho častka hrošaj adpraŭlałasia na padtrymku ŭzbrojenych prychilnikaŭ samaabvieščanych Danieckaj i Łuhanskaj narodnych respublik.
Bajkier ŭvachodzić u kiraŭnictva rasijskaha ruchu «Antymajdan». Akramia taho, paviedamlałasia, što niekatoryja členy bajk-kłuba źjechali vajavać na baku «DNR» i «ŁNR» dobraachvotnikami.
Kamientary