U dačynienni da dyrektara adnaho z pradpryjemstvaŭ, jakoje śpiecyjalizujecca na vyrabie marožanaha, uzbudžana kryminalnaja sprava za sprobu padmanu spažyŭcoŭ. Jon moža być pakarany na 5 hadoŭ abmiežavańnia albo na termin ad 2 da 6 hadoŭ pazbaŭleńnia voli.
Jak paviedamili karespandentu «Źviazdy» ŭ adździalenni infarmacyi i hramadskich suviaziaŭ UUS Hrodzienskaha abłvykankama, u vierasni minułaha hoda na hetym pradpryjemstvie vyrabili bujnuju partyju marožanaha, jakuju nie ŭdałosia svoječasova realizavać. U vyniku bolš za 18 tysiač porcyj na sumu amal 7,5 miljona rubloŭ pralažali na składzie. I zamiest taho, kab utylizavać marožanaje z praterminavaj pryhodnaściu, kiraŭnik pradpryjemstva daŭ ukazańnie rabotnikam źmianić na ŭpakoŭkach źviestki ab dacie vypusku praduktu.
Supracoŭniki adździeła pa baraćbie z ekanamičnymi złačynstvami Lidskaha RAUS prybyli na pradpryjemstva jakraz u momant pierapakavańnia marožanaha…
