Rasijskija prapahandysckija piśmieńniki ŭ čarhovy raz vykarystoŭvajuć Biełaruś u jakaści miesca dziejańnia svaich tvoraŭ. Kniha Alaksandra Afanaśjeva pad nazvaj «Biełaruski nabat» jašče nie vyjšła, ale ŭžo paśpieła stać pradmietam abmierkavańnia ŭ siecivie paśla publikacyi vokładki, na jakoj jość i anatacyja da knihi, jakuju pryvodzim nižej.
«2020 hod… Za 6 hadoŭ, jakija prajšli z momantu dziaržaŭnaha pieravarotu va Ukrainie, śviet nie staŭ bolš biaśpiečnym. Raźviazanaja ŭkrainskimi nacyjanalistami pad patranažam zachodnich śpiecsłužbaŭ hramadzianskaja vajna pahražaje vylicca na terytoryju Rasii. Ažyviłasia i suśvietnaje terarystyčnaje padpolle z marami ŭziać revanš za stratu Kaŭkaza.
Siłavyja viedamstvy našaj krainy rychtujuć biesprecedentnyja miery pa baraćbie z banderaŭskimi dyviersantami i mižnarodnym teraryzmam. Ale vorah źbirajecca nanieści ŭdar adkul nie čakali. Na hety raz pad pahrozaj apynułasia braterskaja Biełaruś. Sutyčka Viktara Sitkova — supracoŭnika Časovaj Zvodnaj Apieratyŭnaj Hrupy — z padstupnym usiudyisnym voraham praciahvajecca…»
Publikacyja knihi pavinna adbycca ŭ hetym hodzie, jana ŭžo anansavanaja na niekatorych rasijskich knižnych partałach. Dadzienaje vydańnie źjaŭlajecca častkaj rasijskaj sieryi «Vrah u vorot». Siarod tvoraŭ hetaj sieryi prysutničajuć knihi z nazvami «Miedal za horod Vašinhton», «Proŝaj, Amierika!», «Biej vraha v jeho łohovie! Russkij diesant v Amieriku», «Hniev Novorośsii» i h.d. Pra charaktar dadzienych tvoraŭ možacie sudzić sami.
Darečy, kniha z nazvaj «Biełaruski nabat» užo majecca – takuju ŭ 2001 hodzie napisaŭ Dźmitryj Čarkasaŭ. Ščyra kažučy, heta taksama toj jašče šedeŭr. Anatacyja da hetaha tvoru nastupnaja: «Zmoŭščyki pa-raniejšamu nie pakidajuć płanaŭ pa fizičnaj likvidacyi Prezidenta Biełarusi. I tolki Uład Rokataŭ moža raskryć ich padstupnuju zadumu i vyratavać Kiraŭnika Dziaržavy».
