Fatohraf Anand Varma ŭkłaŭ dva miesiacy žyćcia pčały ŭ chvilinnaje videa, raspaviadaje National Geographic.
Šeść miesiacaŭ fatohraf źbiraŭ materyjały pra raźvićcio rabočaj pčały ad jajka da darosłaj asobiny. Unikalnyja kadry dazvoliŭ atrymać madyfikavany vulej, u jakim kamieru možna było prystavić na minimalnuju adlehłaść da sotaŭ.
Rabočaja pčała žyvie maksimum 30-35 dzion, ale na čas zimoŭki jaje bijałahičny ŭzrost moža «zastyć» na 9 miesiacaŭ.
Pieršyja niekalki dzion darosłyja pčoły adkormlivajuć jajka, pakul jano nie vyłupicca ŭ ličynku. Ličynka praciahvaje charčavacca i raści da dziaviataha dnia, pakul nie zojmie ŭsiu jačejku. Pčoły zapiačatvajuć jačejku, kab u joj ličynka zrabiłasia kokanam. Praz 12 dzion z kokanu źjavicca darosłaja pčała. Maładaja pčała spačatku zajmajecca čystkaj sotaŭ, na treci-piaty dzień pa «paŭnalećci» pačynaje vylety z vuleja pa miod.
Čytajcie taksama: Niešta znoŭ źniščyła pałovu pčalinych kałonij ZŠA