Biełaruski dyler Mitsubishi kampanija «Redmotars» ź leta pierachodzić na prodaž aŭtamabilaŭ rasijskaj zborki. Płanujecca, što aŭtamabili, sabranyja na rasijskich zavodach, pastupiać u prodaž užo ŭ červieni. Pra heta siońnia paviedamiŭ dyrektar TAA «Redmotars» Vadzim Švajč na pres-kanfierencyi z nahody adkryćcia novaha aŭtacentra Mitsubishi u Minsku.
Vadzim Švajč
Biełaruski aŭtacentr Mitsubishi pradaje aŭtamabili japonska-tajvańskaj zborki, adnak devalvacyja rasijskaha rubla zrabiła biełaruskija ceny niekankurentnazdolnymi. Za pieršy kvartał 2015 hoda «Redmotars» pradała ŭsiaho 15 aŭtamabilaŭ, bo tyja pradavalisia pa cenach minułaha hodu.
Tamu kampanija była vymušana źmianić pastaŭnika aŭtamabilaŭ i pryviazać ceny da rasijskich, kab u valutnym ekvivalencie Mitsubishi ŭ Minsku i Maskvie kaštavaŭ adnolkava. Kab pryciahnuć patencyjnych pakupnikoŭ, «Redmotars» navat raspačała rekłamnuju akcyju «Maskoŭskija ceny na minskaj kalcavoj» — maŭlaŭ, ciapier niama nieabchodnaści jechać u Rasiju za aŭto, bo jaho možna kupić u Minsku pa identyčnaj canie.
U minułym hodzie aŭtamabili marki Mitsubishi skłali 2,5% biełaruskaha rynku novych lehkavikoŭ. U hetym hodzie kampanija płanuje zaniać 3% rynku. Usiaho ŭ minułym hodzie biełarusy kupili 50 tysiačaŭ novych lehkavikoŭ. Pałovu hetaj kolkaści skłaŭ «šery» impart — mašyny masava kuplali ŭ Rasii praz rezki abvał kursu rasijskaha rubla.
Novy aŭtacentr Mitsubishi mieścicca pa adrasie: Ščamyślicki sielsaviet 32/1 (rajon vioski Dvoryckaja Słabada, 28-y kiłamietr vonkavaha koła MKAD). Płošča aŭtacentra składaje bolš 5 tysiačaŭ kvadratnych mietraŭ. Jon padzieleny na dźvie vialikija zony: šoŭrum na 18 aŭtamabilaŭ i siervisny centr.
Adzin z dvuch šoŭrumaŭ novaha aŭtacentra Mitsubishi.
ASX i Outlander — samyja papularnyja ŭ biełarusaŭ madeli Mitsubishi.
Servisny centr Mitsubishi.
Supracoŭnik cecha pafarboŭki.
Skład detalaŭ.
