«U Jeŭrasajuza jość vypracavanaja, dobraja ci drennaja, palityka ŭ dačynieńni da Biełarusi», — zajaviŭ biełaruskim žurnalistam kiraŭnik ruchu «Za Svabodu» Alaksandr Milinkievič pavodle vynikaŭ sustrečy lidaraŭ Jeŭrapiejskaj narodnaj partyi, jakaja prajšła 21 maja ŭ Ryzie.
U mierapryjemstvie ŭziali ŭdzieł kancler Hiermanii Anhieła Mierkiel, prezident Jeŭrapiejskaha savieta Donald Tusk, prezident Ukrainy Piotr Parašenka, kiraŭnik Armienii Sierž Sarhsian i inšyja lidary partyj z roznych krain. Ad Biełarusi ŭ sustrečy aprača Milinkieviča ŭdzielničali staršynia Partyi BNF Alaksiej Janukievič i kiraŭnik Abjadnanaj hramadzianskaj partyi Anatol Labiedźka.
Zhodna sa słovami Milinkieviča, pavodle vynikaŭ pasiadžeńnia budzie pryniataja dekłaracyja JENP, u jakoj adznačanaja ŭ tym liku prablema palitviaźniaŭ u Biełarusi.
Tema prezidenckich vybaraŭ u Biełarusi i admova Biełarusi i Armienii ad padpisańnia vynikovaj dekłaracyi samitu Uschodniaha partniorstva z-za frazy pra anieksiju Kryma na sustrečy nie abmiarkoŭvalisia, skazaŭ lidar ruchu «Za Svabodu».
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary