Sudździa Alaksandr Kościkaŭ pryznaŭ aktyvista vinavatym u parušeńni zakonu ab paradku praviadzieńnia masavych mierapryjemstvaŭ.
Nahadajem, apoŭdni 13 lutaha ŭ ofisie Homielskaj arhanizacyi Abjadnanaj hramadzianskaj partyi adbyŭsia pieratrus. Milicyjaniery šukali ŭletki, u jakich raspaviadajecca pra toje, što dniami miascovyja ŭłady zabaranili sustreču žycharoŭ horada ź lideram ruchu «Za svabodu» Alaksandram Milinkievičam.
Jak paviedamiŭ aktyvist demakratyčnaha ruchu Kastuś Žukoŭski, padstavaj dziela pieratrusu stali ŭletki, jakija napiaredadni ŭ centry horadu razdavali minakam aktyvisty demakratyčnaha ruchu Uładzimir Šumilin i Andrej Alaškievič. U ich było kanfiskavana kala tysiačy ŭletak. Junaki pakazali, što atrymali ŭlotki z ruk kiraŭnika ofisu AHP Uładzimira Kacory. Tamu astatnija infarmacyjnyja biuleteni milicyjaniery vyrašyli pašukać u ofisie AHP.
Adnak, pavodle Žukoŭskaha, — biezvynikova. Tym nie mienš, Uładzimira Kacoru zatrymali i dastavili ŭ Saviecki RAUS, a zatym i ŭ sud Savieckaha rajonu Homiela.
Zatrymanych junakoŭ aštrafavali na 30 bazavych vieličyń kožnaha.