Vałanciory z Dnieprapiatroŭska, jakija dapamahajuć dobraachvotnikam i rehularnym vojskam Ukrainy, što zmahajucca z terarystami na uschodzie krainy, vypuścili pierakručanaje sała z časnakom u formie kaŭbasy pad brendam «PTN PNCH». Jak pieradajuć ukrainskija ŚMI, pradukt vielmi spadabaŭsia chłopcam na pieradavoj.
Nie adstali ad takoha ŭčynku i lvoŭskija brovary. Tak, pryvatnaja mini-bravarnia «Praŭda. Beer Theatre» naładziła vytvorčaść «palityčnaha» piva. Butelki jomistaściu 0,75 ł ŭpryhožvajuć etykietki z vyjavami lidaraŭ ZŠA, Hiermanii i Rasii. Nazvy hatunkaŭ piennaha napoju taksama ŭtrymlivajuć palityčny padtekst. Tak, na etykietcy ciomnaha piva mastak adlustravaŭ Baraka Abamu, siadziačaha na kreśle naha na nahu. Źleva ad jaho staić sienatar Džon Makiejn, sprava — viadomy multpiersanaž Hamier Simpsan. Staut atrymaŭ nazvu «Obama Hope» (Abama — Nadzieja). Piva z Anhiełaj Mierkiel nazyvajecca «Frau Rybientrop», a sama kancler Hiermanii pakazanaja ŭ vopratcy, jakaja vielmi nahadvaje formu Hitlera ź jahonaha znakamitaha partreta, tolki fijaletavaha koleru.
Rasijskamu lidaru taksama dastałasia miesca na lvoŭskich piŭnych butelkach — etykietka z Pucinym, jaki siadzić na tronie ŭ atačeńni tankaŭ i samalotaŭ, pryleplenaja na śvietłaje piva. Navinka nosić nazvu Putin Huilo.
«U 2014 hodzie Rasija anieksavała Krym i akupavała častku Ukrainy. Takim čynam, RF parušyła ustalavany paśla druhoj Suśvietnaj vajny paradak. Rasijski teraryzm pačaŭ nastup na mirnuju Jeŭropu», — paviedamiła kiraŭnictva brovara «Praŭda. Beer Theatre». «Putin Huilo — tak nazyvajuć u śviecie prezidenta Rasijskaj Fiederacyi. U adroźnieńnie ad Hitlera i inšych piersanažaŭ, praź impierskija ambicyi jakich zahinuli nievinavatyja ludzi, Huilo — nie prosta chvory fanatyk».
