Alaksandr Miech, kobrynski hramadski aktyvist, raspavioŭ pra svaje namiery žurnalistam «Narodnaj voli», radyjo «Racyja» i «Jeŭraradyjo».
Pa słovach Miecha, jaki ciapier zajmaje pasadu namieśnika Niaklajeva ŭ novastvoranym ruchu «Za niezaležnaść i dziaržaŭnaść Biełarusi», namier iści ŭ prezidenty — nie žart. Miech kaža, što dziejničaje pa płanie ruchu, stvareńnie jakoha pačałosia, kali Niaklajeŭ jašče uznačalvaŭ «Havary praŭdu!».
«Naš ruch my pačali stvarać dva hady tamu. Stvarali my jaho biez spadara Niaklajeva. Niekalki tydniaŭ tamu spadar Niaklajeŭ ahučyŭ tyja ž samyja prapanovy, što i my, tamu na schodzie ŭsich nacyjanalnych sił było pryniata takoje rašeńnie. Rašeńnie zahadzia nie płanavałasia, pryniali paśla taho, jak vystupiŭ Niaklajeŭ i jak vystupiŭ ja. Paśla hetaha ludzi prapanavali stać jaho namieśnikam», — raspavioŭ «Jeŭraradyjo» budučy kandydat u prezidenty.
Prahrama Alaksandra Miecha pakul nieviadomaja.
