Pucin: Intehracyja jeŭrapiejskich krain — heta narmalna, a kali my toje robim — to heta impieryja?
Prezident Rasii daŭ intervju ŭpłyvovamu italjanskamu vydańniu Corriere della Sera, u jakim vykazaŭ niekalki cikavych tezisaŭ, časam uzajemavyklučnych.
Tak, adkazvajučy na pytańnie pra Ukrainu, Pucin čarhovy raz padkreśliŭ, što Rasija nie kraina-ahresar, akramia taho «ŁNR i DNR hatovyja ličyć siabie častkaju Ukrainy». Dla hetaha, maŭlaŭ, «Ukrainie treba dakazać, što ŭ jaje składzie žyviecca lepš». Praŭda, tut Pucin supiarečyć sam sabie – pavodle jaho ž słovaŭ na Danbasie ciapieraka skłałasia humanitarnaja katastrofa. Kudy ž tut horš?
Krym, pavodle Pucina – «hałasavaŭ» na karyść dałučeńnia da Rasii, a voś «DNR» i «ŁNR» «hałasavali» za niezaležnaść. Tamu krymski scenar u «Navarosii» niemahčymy.
Taksama prezident RF zapeŭniŭ italjanskich žurnalistaŭ, što bajacca napadzieńnia Rasii na NATA nie varta — tolki chvoryja ludzi, maŭlaŭ, mohuć pra heta razvažać.
Adnak razam z tym Pucin adznačyŭ, što Rasija budzie raźvivać svoj nastupalny patencyjał i udaskanalvać sistemy, zdatnyja pieraadoleć supraćpavietranuju abaronu: «My ŭžo damahlisia značnaha prahresu ŭ hetym kirunku».
U prablemach uzajemaadnosin Jeŭropy i Rasii Pucin pa zaviadzioncy abvinavaciŭ Amieryku. Praŭda ŭskosna, a nie naŭprost.
«Ja heta kažu, jak hipotezu — ZŠA nie chočuć zbližeńnia pamiž Rasijaj i Jeŭropaj, heta zdahadka. Naprykład, ZŠA choča zachavać svajo lidarstva ŭ Atłantyčnaj supolnaści. Dla hetaha im patrebna źniešniaja pahroza, praciŭnik. Toj ža Iran — heta nie pahroza, vidavočna. I tut raptam adbyvajecca kryzis va Ukrainie — Rasija vymušana reahavać. Moža być heta ŭsio rabiłasia z metaj, ja nie viedaju», — aściarožna vykazaŭsia Pucin.
Na pytańnie ab impierskich ambicyjach Maskvy Pucin adkazaŭ pytańniem, pacikaviŭšysia: čamu Jeŭropie – možna, a «nam» – nie? «Intehracyja jeŭrapiejskich krain ličycca normaj, ale kali my na pastsavieckaj prastory robim toje ž samaje — to heta žadańnie Rasii adnavić impieryju? Nie razumieju takich padychodaŭ», — skazaŭ prezident Rasii i adznačyŭ, što dobra viedaje, jak zmahacca z palityčnymi apanientami ŭnutry krainy.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ4
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1717
Kamientary