U Viciebsku na pažary ŭ domie-internacie dla sastarełych i invalidaŭ zahinuli dva čałavieki, paviedamili ŭ Ministerstvie pa nadzvyčajnych situacyjach Biełarusi.
112.by
Pažar adbyŭsia 9 červienia kala 23.00. Padraździaleńni MNS užo pracavali na miescy incydentu praź piać chvilin paśla vykliku.
Nazirałasia mocnaje zadymleńnie i hareńnie ŭ pakoi na druhim paviersie trochpaviarchovaha budynka.
Pažarnyja nieadkładna prystupili da vyratavańnia i evakuacyi ludziej: razrezali dźviery lifta i vynieśli ź jaho sanitarku, a taksama vyratavali žančynu, jakaja žyvie ŭ adnoj z pakojaŭ, invalida druhoj hrupy. Abiedźviuch pieradali miedykam dla akazańnia dapamohi.
Akramia taho, ratavalniki evakujavali 47 čałaviek, jany nie paciarpieli. Pry praviadzieńni raźviedki na druhim paviersie byli vyjaŭlenyja zahinułymi dva invalidy — pieršaj i treciaj hrupy pa aporna-ruchalnaha aparatu.
Paśla likvidacyi pažaru da daktaroŭ źviarnułasia miedsiastra ŭstanovy, jakaja taksama była dastaŭlena ŭ balnicu.
Pažar byŭ apieratyŭna łakalizavany i likvidavany. Jaho pryčyna vyśviatlajecca.
