Jak paviedamiła šviejcarskaje dypłamatyčnaje viedamstva, hramadzianin Azierbajdžana pravaabaronca Emin Husiejnaŭ pakinuŭ radzimu na borcie samalota z vysokapastaŭlenym šviejcarskim dypłamatam Dzidźje Burkchaltieram, jaki pabyvaŭ u Baku na adkryćci 12 červienia Jeŭrapiejskich hulniaŭ, paviedamlaje Radyjo «Svaboda».
Pieralotu Husiejnava z Azierbajdžana ŭ Šviejcaryju papiaredničali niekalki miesiacaŭ pieramovaŭ z azierbajdžanskimi uładami. Da vieraśnia 2015 hoda šviejcarskija ŭłady dajuć 35-hadovamu Emin Husiejnava mahčymaść vyznačycca, ci maje namier jon padavać prašeńnie ab palityčnym prytułku.
Husiejnaŭ aktyŭna krytykuje aŭtarytarny režymu Ilchama Alijeva. Sa žniŭnia minułaha hoda, kali jaho abvinavacili ŭ «niezakonnym pradprymalnictvie i ŭchileńni ad vypłaty padatkaŭ», jon chavaŭsia ŭ budynku pasolstva Šviejcaryi ŭ Baku.
Emin Husiejnaŭ kiruje pravaabarončaj žurnalisckaj arhanizacyjaj, nieadnarazova abvinavačvaŭ urad Alijeva ŭ pryhniocie svabody słova.
22 krasavika Bakinski sud pa ciažkich złačynstvach prysudziŭ pravaabaroncu da 7,5 hadoŭ turmy.