Biełaruś nie da kanca zadavolenaja dziejnaściu ABSIE, nie chapaje davieru pamiž členami arhanizacyi, jaje patencyjał daloka nie vyčarpany. Pra heta zajaviŭ ministr zamiežnych spraŭ Biełarusi Uładzimir Makiej pa vynikach pieramovaŭ z hienieralnym sakratarom ABSIE Łambierta Zańjeram i dyrektaram BDIPČ ABSIE Hieorham Linkam.
mfa.gov.by
Pa słovach ministra zamiežnych spraŭ, prahresu ŭ pracy ABSIE pieraškadžaje adsutnaść davieru pamiž jaje ŭdzielnikami, «ABSIE pavinna pracavać bolš zbałansavana i ŭ tematyčnym, i ŭ hieahrafičnym płanie». Pa słovach Makieja, nieabchodny roŭny padychod da dziaržaŭ jak na zachad, tak i na ŭschod ad Vieny.
Pry hetym kiraŭnik MZS pryznaŭ, što ABSIE — unikalnaja arhanizacyja «nie tolki pa składzie ŭdzielnikaŭ, ale pa ŭniviersalnym padychodzie da biaśpieki». Pa słovach Makieja, ABSIE na siońnia hałoŭnaja arhanizacyja, jakaja spryjaje ŭrehulavańniu kanfliktu va Ukrainie.
Pieramovy Uładzimir Makiej acharaktaryzavaŭ jak hruntoŭnyja.
Na sustrečy abmiarkoŭvalisia taksama ŭkrainski kryzis i rola Biełarusi ŭ jaho urehulavańni.
U svaju čarhu, hienieralny sakratar ABSIE Łambierta Zańjer adznačyŭ kanstruktyŭnuju rolu Biełarusi va ŭrehulavańni kanfliktu va Ukrainie.
