Fota: facebook.com/Basowiszcza
Arhanizatary fiestyvala biełaruskaha roku «Basovišča» ŭ polskim Haradku na Padlaššy paviedamili ab damoŭlenaści na vizavuju padtrymku z boku ambasady Polščy ŭ Minsku.
Kab atrymać vizavuju padtrymku, treba adasłać na adras [email protected] nastupnuju infarmacyju: imia i proźvišča, data naradžeńnia, chatni adras, kantaktny numar telefonu, numar pašparta, datu vydańnia i prydatnaści pašparta.
Zajaŭki prymajucca da 21-j hadziny 21 červienia.
Raniej taksama paviedamlałasia pra mahčymaść atrymać vizy praz konsulstva ŭ Breście. Pa hetym pytańni taksama možna źviartacca pa adrasie [email protected].
Fiestyval projdzie 17-18 lipienia pad Biełastokam (Polšča), na Palanie Borek kala Hrodeka. U 2015 hodzie «Basovišča» projdzie ŭ 26-y raz i znoŭ stanie konkursam. Pieramožcami adboračnaha turu stali Naka, By Cry, Exegutor i TonqiXod, ale Naka admovilisia ad udziełu ŭ feście.
Chedłajnierami sioletniaha festu stanuć Brutto, Lavon Volski, taksama vystupiać Dzieciuki, Yegor Zabelov Trio, SP Kava, palaki Lao Che i Ostrov.
Upieršyniu «Basovišča» było praviedzienaje ŭ 1990 hodzie. Ź ciaham času fest staŭ adnoj z hałoŭnych placovak biełaruskamoŭnaj muzyki. Z 1992 pa 2009 hod pravodziŭsia konkurs maładych hurtoŭ, siarod pieramožcaŭ jakoha Znich, Zet,:B:N:, Mauzer i inšyja.
Čytajcie taksama:
30 muzyčnych festaŭ blizkaha i dalokaha zamiežža 16 letnich festaŭ Biełarusi
