Niekalki tysiač čałaviek pierakryli ŭ Jerevanie praśpiekt Bahramiana, dzie znachodzicca rezidencyja prezidenta krainy Sierža Sarhsiana. Žychary stalicy pratestujuć suprać pavyšeńnia taryfu na elektraenierhiju.
Palicejskija stali ŭ niekalki šerahaŭ, za imi — śpiectechnika i vadamioty. Namieśnik načalnika palicyi Jerevana Valeryj Asipian prapanavaŭ arhanizataram akcyi skłaści hrupu z troch čałaviek, jakija zmohuć sustrecca z prezidentam. Pratestoŭcy admovilisia, pratesty praciahvajucca, paviedamlaje news.am.
U paviedamleńni, raspaŭsiudžanym pres-słužbaj palicyi Armienii, havorycca, što «ŭ vypadku akazańnia supracivu pravaachoŭnikam i niepadparadkavańnia zakonnym patrabavańniam, šeście nie budzie ličycca mirnym i budzie spyniena».
Armianski sajt 1in.am piša, što prysutnyja sieli na asfalt na praśpiekcie Bahramiana ŭ znak taho, što nie majuć namier źviartacca da niezakonnych abo jakich-niebudź hvałtoŭnych dziejańniaŭ.
20:30
Načalnik palicyi Jerevana Ašot Karapiecian paŭtaryŭ prapanovu, raniej ahučanuju jaho namieśnikam, pra toje, kab udzielniki akcyi sfarmavali delehacyju z 3 čałaviek, jakuju zhodny pryniać prezident krainy Sierž Sarhsian, paviedamlaje armianskaja słužba Radyjo Svaboda.
Aktyvisty ŭ pieršych šerahach zajavili, što jany nie ŭpaŭnavažany davać adkaz za ŭsich udzielnikaŭ akcyi, i zaklikali dać im mahčymaść praciahnuć mirnaje šeście da rezidencyi prezidenta.
Pa stanie na 20:00, supraćstajańnie na praśpiekcie Bahramiana praciahvałasia.
