U ramkach novaha rasprodažu redakcyja «Arche» prapanuje ŭsiaho za 149 tys. nabyć kalekcyju ź piaci papularnych publikacyj, pryśviečanych Zachodniaj Biełarusi. Ich sukupny abjom amal 2400 staronak.
Vašaj uvazie prapanujucca:
Tematyčny vypusk «Zachodniaja Biełaruś. Mižvajenny pieryjad» (№7-8/2014, ahulny abjom 422 staronki).
Zachodniebiełaruskaja spadčyna — heta šmat ŭ čym «niazručnaje minułaje». Jano było takim u saviecki čas, a z peŭnymi źmienami dy madyfikacyjami zastajecca i ciapier. Naturalna, dziakujučy vysiłkam akademičnaj supolnaści, asabliva za apošnija 25 hadoŭ, było šmat zroblena dla lepšaha razumieńnia i asensavańnia jak mižvajennaha pieryjadu dy vieraśnioŭskich padziej, tak i asablivaściaŭ dy miesca Zachodniaj Biełarusi ŭ paślavajennaj BSSR. Šmat «biełych plamaŭ», adnak, zastajecca i siońnia.
Poŭny źmiest numara dastupny TUT.
Tematyčny vypusk «Haradzienski milenium» (№11/2014, ahulny abjom 393 staronki).
Asnoŭnaj temaj dadzienaha numara «ARCHE» stała Harodnia jak centr pryciahnieńnia. Hieahrafičnaje stanovišča dało mahčymaść horadu być važnym administracyjnym centram na praciahu stahodździaŭ. Adpaviedna Harodnia paŭpłyvała na rehijon, stała miescam histaryčnych padziej, istotnych nie tolki dla Haradzienščyny, ale i dla krainy. Artykuły numara achoplivajuć pieryjad ad Siaredniaviečča da sučasnaści, dadajučy ŭ ahulnuju skarbonku novyja viedy pa historyi Harodni i Haradzienščyny ŭ śfiery palityki, architektury, kultury, ekanomiki i inš. Siarod aŭtaraŭ numara – Aleh Lickievič, Natalla Śliž, Viačasłaŭ Švied, Andrej Kištymaŭ, Andrej Vaškievič, Taćciana Kasataja i inšyja biełaruskija, polskija i rasijskija daśledčyki.
Poŭny źmiest numara dastupny TUT.
Jan Šumski. «Savietyzacyja Zachodniaj Biełarusi (1944—1953 h.): Prapahanda i adukacyja na słužbie ideałohii» (ahulny abjom 326 staronak).
U knizie pakazanyja pieramieny, jakija adbyvalisia ŭ 1944—1953 hh. u žyćci i śviadomaści žycharoŭ zachodnich abłaściej BSSR, jakija pierad Pieršaj suśvietnaj vajnoj uvachodzili ŭ skład Polščy. Na staronkach vydańnia pradstaŭlena daśledavańnie nacyjanalnaha, kadravaha, kulturna-aśvietnickaha i prapahandyscka-infarmacyjnaha aśpiektaŭ pracesu savietyzacyi na akreślenych terytoryjach.
Poŭny źmiest knihi dastupny TUT.
Uładzimir Lachoŭski. Ad homanaŭcaŭ da hajsakoŭ. Čynnaść biełaruskich maładziovych arhanizacyj u 2-j pałovie XIX st. — 1-j pałovie XX st. (da 1939 h.). (ahulny abjom 480 staronak).
U manahrafii, napisanaj u formie navukova-papularnaha narysa, razhladajecca hramadska-palityčnaja i kulturna-aśvietnaja praca biełaruskich maładziovych supołak i zhurtavańniaŭ u tym liku ŭ Zachodniaj Biełarusi mižvajennaha času. Raźličana na šyrokaje koła čytačoŭ.
Poŭny źmiest knihi dastupny TUT.
Jan Stankievič. «Za rodnuju movu j praŭdzivy nazoŭ» (ahulny abjom 742 staronki).
Hruntoŭnaja kalekcyja publicystyčnych i navukovych artykułaŭ vydatnaha zachodniebiełaruskaha dziejača.
Poŭny źmiest knihi dastupny TUT.
Infarmacyja pra toje, jak zamović vydańni — na sajcie časopisa.
