Padraździaleńniami papiaredniaha rasśledavańnia Hrodzienskaj vobłaści z pačatku hoda raspačata amal try dziesiatki kryminalnych spraŭ, źviazanych z raspaŭsiudžvańniem parnahrafičnych materyjałaŭ praź internet.
U dvuch vypadkach jany ŭtrymlivali vyjavy niepaŭnaletnich, što ŭtvaraje samastojny skład złačynstva, paviedamlaje pres-słužba Śledčaha kamiteta
Raźmiaščajučy hałoŭnym čynam na asabistych staronkach sacyjalnych sietak videaroliki, videafilmy i fatahrafii parnahrafičnaha źmiestu dla ŭsieahulnaha prahladu, hramadzianie ŭ bolšaści vypadkaŭ nie zdahadvajucca pra supraćpraŭnaść svaich dziejańniaŭ, albo miarkujuć, što zastanucca pa-za ŭvahaj pravaachoŭnych orhanaŭ.
Jak praviła, padobnyja materyjały raźmiaščali maładyja ludzi va ŭzroście ad 20 da 25 hadoŭ, adnak viadomyja fakty raspaŭsiudžvańnia parnahrafii jak 18-letnimi, tak i ludźmi starejšymi za 50 hadoŭ. Pałova ź ich viała biaździejny ład žyćcia, nie zajmajučysia hramadska karysnaj pracaj abo vučobaj, paviedamlaje pres-słužba SK.
