U punkcie mytnaha afarmleńnia «Varšaŭski most» 51-hadovy žychar Maskvy sprabavaŭ niezakonna zavieźci z Polščy pa «zialonym» kalidory honačny aŭtamabil u razabranym vyhladzie.
Pavodle infarmacyi pres-hrupy Bresckaj mytni, paśla vyjezdu z «zialonaha» kalidora, pryznačanaha dla pieramiaščeńnia tavaraŭ dla asabistaha karystańnia, jakija nie padlahajuć mytnamu dekłaravańniu, aŭtamabil «Miersiedes» byŭ spynieny i nakiravany ŭ boks pahłyblenaha nadhladu. U vyniku mytnaha kantrolu ŭ transpartnym srodku byŭ znojdzieny razabrany kart marki CRG, jaki składajecca z ramy, baka, radyjatara, hłušyciela i rulavoha kiravańnia. Ahulnaja vaha razabranaha honačnaha aŭtamabila skłała zvyš za 60 kh, a košt kala 20 młn. rubloŭ.
U adpaviednaści z mytnym zakanadaŭstvam, tavar, što pieramiaščaŭsia cieraź miažu ŭ razabranym vyhladzie vahoj bolš za 35 kh i jakomu ŭłaścivyja asnoŭnyja jakaści sabranaha, źjaŭlajecca niepadzielnaj tavaram i padlahaje piśmovamu mytnamu dekłaravańniu. U dačynieńni da takoha tavaru prymianiajecca staŭka mytnych pošlin, padatkaŭ u vyhladzie sukupnaha mytnaha płaciažu (mytnaja pošlina, PDV i zbor za ździajśnieńnie mytnych apieracyj).
Vyjaŭleny tavar kanfiskavany da rašeńnia suda, a ŭ dačynieńni da jaho ŭładalnika pačaty administracyjny praces.
Kamientary