NAK «Naftahaz Ukrainy» z 1 lipienia 2015 hoda prypyniaje zakupku hazu ŭ AAT «Hazprom», bo ŭmovy dalejšaj pastaŭki rasijskaha hazu va Ukrainu nie byli ŭzhodnieny padčas trochbakovych pieramoŭ u Vienie. Pra heta paviedamlaje pres-słužba «Naftahaza».
«U suviazi z tym, što 30 červienia 2015 h. zaviaršajecca termin dziejańnia dadatkovaha pahadnieńnia pamiž NAK «Naftahaz Ukrainy» i AAT «Hazprom», a ŭmovy dalejšaj pastaŭki rasijskaha hazu va Ukrainu nie byli ŭzhodnienyja siońnia ŭ čas trochbakovych pieramovaŭ u Vienie, «Naftahaz» prypyniaje zakupku hazu ŭ rasijskaj kampanii. Transparciroŭka hazu pa terytoryi Ukrainy dla jeŭrapiejskich klijentaŭ «Hazproma» budzie praciahvacca ŭ poŭnym abjomie ŭ adpaviednaści z kantraktnymi ŭmovami.
Važnaj umovaj adnaŭleńnia zakupki rasijskaha hazu źjaŭlajecca ŭzhadnieńnie časovaj pazicyi adnosna sprečnych punktaŭ kantraktu pamiž «Naftahazam» i «Hazpromam» na termin minimum da zaviaršeńnia I kvartała 2016. Damoŭlenaści pavinny być vykładzieny i zamacavany takim čynam, što pradastavić kožnamu z bakoŭ upeŭnienaść u ich vykanańni. Pytańnie kančatkovych raźlikaŭ pamiž «Naftahazam» i «Hazpromam» budzie vyrašana ŭ chodzie arbitražnaha razboru adnosna kantraktu na pastaŭku hazu pamiž «Naftahazam» i «Hazpromam» u Arbitražnym instytucie Stakholma», — havorycca ŭ paviedamleńni.
