Premjer Hrecyi Aleksis Cypras u načnym zvarocie da nacyi prakamientavaŭ vyniki refierendumu ŭ Hrecyi, na jakim 61% prahałasavali suprać prapanovaŭ ES. Pryčym masava hałasavała suprać moładź — 67%.
«My napisali jarkuju staronku historyi, demakratyju nielha šantažavać. Narod, u jakoha jość viera ŭ demakratyju, moža vystajać, — zajaviŭ Cypras. — Zaraz my zrobim usio mahčymaje, kab pieraadoleć kryzis i harantavać finansavuju stabilnaść».
Cypras padziakavaŭ hramadzianam u ES u inšych krainach, jakija vystupili ŭ padtrymku Hrecyi.
«My atrymali mandat davieru ad naroda Hrecyi, kab nie supraćstajać Jeŭropie, a praciahnuć pieramovy», — udakładniŭ jon.
«Rašeńnie Hrecyi źmianiła chod dyskusij u Jeŭropie, — skazaŭ Cypras. — Ale my hatovy praciahnuć pieramovy na asnovie reformaŭ. Pytańnie hrečaskaha doŭhu budzie klučavym na pieramovach».
Paviedamlajecca, što Hrecyja budzie nastojvać na restrukturazycyi 30% doŭhu.
***
Tym časam na hałoŭnaj płoščy Afinaŭ hreki śviatkujuć pieramohu na refierendumie.
