Fotamadelku Playboy, byłuju pieramožcu konkursu «Mis Fotahieničnaść Bośnii i Hiercahaviny» Słabadanku Tošyč zatrymali ŭ jaje kvatery pa padazreńni ŭ suviaziach z arhanizavanaj złačynnaściu i niekalkich zabojstvach, paviedamlaje Jutarnji.
topnews.ru
Słabadanku Tošyč pa mianušcy Boba padazrajuć u piaci zabojstvach. Adnoj ź jaje achviar staŭ były kachanak, jaki źjaŭlaŭsia kryminalnym aŭtarytetam.
Dziaŭčyna była zatrymanaja ŭ chodzie śpiecapieracyi pad kodavaj nazvaj «Lalka». Palicyjanty ličać, što Słabadanka Tošyč uvachodziła ŭ złačynnuju bandu.
Usiaho ŭ złačynnaj hrupoŭcy naličvałasia 32 čałavieki. Złačyncy ździejśnili minimum šeść napadaŭ na inkasatarskija mašyny i adździaleńni bankaŭ, vykraŭšy kala 4,5 młn jeŭra. Hrupoŭka dziejničała da vosieni 2012 hoda, paśla čaho raspałasia z-za ŭnutranych razładaŭ vakoł dzialby zdabyčy i raźmierkavańnia rolaŭ. Taksama miarkujecca, što jabłykam razładu mahła stać Słabadanka Tošyč.
Tošyč naradziłasia ŭ horadzie Chan-Piesak ŭ Bośnii. U 2014 hodzie, zamiatajučy ślady złačynstvaŭ, jana pryjechała ŭ Charvatyju, dzie zdymałasia dla hlancavych časopisaŭ, u tym liku dla Playboy, a taksama ŭdzielničała ŭ realici-šoŭ (sierbskaja viersija «Zastacca ŭ žyvych»).