Nulavaja hulnia: žodzinskaje «Tarpieda» nie zmahło prajści ałbancaŭ i vylecieła ź jeŭrakubkaŭ

Siońnia, 9 lipienia, adbyŭsia matč u adkaz 1-ha kvalifikacyjnaha raŭndu futbolnaj Lihi Jeŭropy. U Žodzinie miascovaje «Tarpieda» prymała ałbanski «Kukiesi». Pieršaja hulnia kamandaŭ u Tyranie pryniesła pieramohu haspadaram — 2:0.

«Kukiesi» ŭ toj sustrečy zabiŭ chutki hoł, a ŭ druhim tajmie zamacavaŭ pieravahu. «Tarpieda» šmat tady atakavała, ale da realnych pahrozaŭ sprava dachodziła redka.

Paśla toj hulni na «aŭtazavodcaŭ» abrynułasia niamała krytyki. I ad śpiecyjalistaŭ, i ad zaŭziataraŭ. Kapitan «Tarpieda» Viačasłaŭ Hleb skazaŭ, što rana pra niešta kazać, a ŭ Žodzinie jany daduć boj ałbancam. Začapiła krytyka i hałoŭnaha treniera «čorna-biełych» Ihara Kryvušenku.

Žodzinskija zaŭziatary davoli ščylna zapoŭnili centralnyja siektary stadyjona, niahledziačy na nie samuju małuju canu ŭ 50 tysiač rubloŭ. Fanacki siektar «Tarpieda» taksama byŭ na ŭzroŭni. Amal ni na chvilinu «bahusłaŭcy» nie spyniali padtrymku svajoj kamandy. Praśpiavali navat «Nie być skotam».

Pavialičyć

A voś futbalisty ŭziać revanš za parazu tydniovaj daŭniny, na žal, tak i nie zmahli.

Pavialičyć

Pavialičyć

Pieršy tajm byŭ ščyra sumnym. Navat parušeńniaŭ pravił było zusim niamnoha. Kožnaja z kamandaŭ stvaryła pa adnym paŭmomancie, ale na bolšaje nie chapała. Ale «Kukiesi» taki lik całkam zadavalniaŭ, što nie skažaš pra žodzincaŭ.

Pavialičyć

Druhi tajm pačynaŭsia ŭ takoj samaj niaśpiešnaj maniery. Adny nie rvalisia napierad, druhija nie mahli. Takaja raźmieranaja chada była pierarvanaja na 75-j chvilinie. Ni z puščy ni z pola ałbanski kłub zasłužyŭ prava na pienalci. Da adzinaccacimietrovaj adznaki padyšoŭ charvacki lehijanier «Kukiesi» Piejič (najlepšy bambardzir minułaha čempijanata Ałbanii, miž inšym). Zdajecca, i ŭdaryŭ niakiepska, u levy ad siabie kut, ale bramnik Časnoŭski daciahnuŭsia da miača. Taki podźvih hałkipiera zavioŭ futbalistaŭ.

Pavialičyć

Na praciahu nastupnych chvilin 5—10 «Tarpieda» stvaryła try nastolkija vostryja momanty, paśla jakich zastavałasia tolki chapacca za hałovy. Dźmitryj Płatonaŭ dvojčy rasstrelvaŭ varoty «Kukiesi» (spačatku hałavoj, a paśla nahoj), ale abodva razy pieramožcam vychodziŭ hałkipier supiernika. A potym jašče adnojčy miač ablizaŭ belku.

Pavialičyć

Pavialičyć

Pavialičyć

Emocyi zaŭziataraŭ, z trybuny navat palacieŭ adzin čorna-bieły šalik, ničoha nie źmianili. Kamandy tak i nie zmahli naradzić navat adzin hoł. Ničyja — 0:0. U nastupny raŭnd prachodzić «Kukiesi».

Pavialičyć

Svajho supiernika ałbancy daviedajucca siońnia ŭviečary paśla skančeńnia hulni «Mładaść» (Čarnahoryja) — «Nieftčy» (Azierbajdžan).

A voś salihorski «Šachcior» prajšoŭ u nastupny raŭnd Lihi Jeŭropy. U matčy suprać paŭnočnairłandskaha «Hlenavona» jon pieramoh i doma — 3:0 (pieršy matč — 2:1).

Minskaje «Dynama», nahadajem, startuje z 2-ha raŭndu. Im daviadziecca hulać suprać bałharskaha «Čornaha Mora».

• 0
• 0
• 0
• 0
• 0
• 0
• 0
• 0