Prezident Małdovy Mikałaj Cimofci naviedaje Biełaruś z aficyjnym vizitam 16-17 lipienia, paviedamili ŭ administracyi kiraŭnika małdaŭskaj dziaržavy.
U Minsku zapłanavany sustrečy prezidenta Małdovy z Alaksandram Łukašenkam u farmacie sam-nasam i ŭ pašyranym składzie. Akramia taho, Mikałaj Cimofci sustreniecca z premjer-ministram Biełarusi Andrejem Kabiakovym, staršynioj Savieta Respubliki Nacyjanalnaha schodu Biełarusi Michaiłam Miaśnikovičam i staršynioj Pałaty pradstaŭnikoŭ Nacyjanalnaha schodu Biełarusi Uładzimiram Andrejčankam. Płanujecca, što ŭ prysutnaści kiraŭnikoŭ dziaržaŭ u Minsku budzie padpisany pakiet dakumientaŭ pa šerahu napramkaŭ biełaruska-małdaŭskaha supracoŭnictva.
U skład delehacyi Małdovy ŭvojduć taksama vice-premjer, ministr ekanomiki Stefan Bryde, ministr sielskaj haspadarki i charčovaj pramysłovaści Ion Suła, ministr transpartu i darožnaj infrastruktury Vasil Botnar, baškan (kiraŭnik) Hahauzskaj aŭtanomii Iryna Ułach, vice-prezident Handlova-pramysłovaj pałaty Uładzimir Dzidzilika, vice-mer municypija Kišynioŭ Nistar Hrazavu, staršynia Vyšejšaj sudovaj płaty Michaj Paalełunž i inšyja.
