Na «Varšaŭskim moście» — pamiežnym pierachodzie ŭ Breście — letam byvaje navała transpartu, nahadvajuć mytniki. U toj ža čas na pamiežnym pierachodzie «Piasčatka», jak praviła, čerhaŭ nie byvaje.
Pra heta karespandentu BiełTA raskazali ŭ Bresckaj mytni.
Z krasavika punkt propusku «Piasčatka» źmianiŭ status ź miždziaržaŭnaha na mižnarodny. Heta značyć, što zaraz dziaržaŭnuju miažu tut moža pierasiekčy hramadzianin luboj dziaržavy, a nie tolki biełarus ci palak, jak heta było raniej. Akramia taho, tut pravodzicca mytnaje afarmleńnie jak lehkavych aŭtamabilaŭ, tak i aŭtobusaŭ, i hruzavikoŭ z poŭnaj masaj da 7,5 t z tavaram, jaki nie padlahaje fitasanitarnamu i vieterynarnamu kantrolu.
Piasčatka znachodzicca na darozie Brest (za 50 km) — Vysokaje — Bielsk — Biełastok (80 km). Tut biare svoj pačatak 200-kiłamietrovaja aŭtamahistral vakoł nacyjanalnaha parku «Biełaviežskaja pušča».
